નવસારીમાં છેલ્લા 2 કલાકમાં 4 ઈંચથી વધુ વરસાદ, ધોધમાર વરસાદ વચ્ચે અનેક વિસ્તારોમાં પાણી ભરાતા અનેક પરિવારો સ્થળાંતર કરવા મજબૂર
હવામાન વિભાગની આગાહી મુજબ રાજ્યમાં અનેક વિસ્તારોમાં ભારે વરસાદ પડી રહ્યો છે. આ દરમિયાન નવસારીમાં ભારે વરસાદ પડ્યો હોવાનું સામે આવ્યું છે. નવસારી જિલ્લામાં વરસાદી માહોલ જામ્યો છે. જેને લઈ છેલ્લા 2 કલાકમાં 4 ઈંચથી વધુ વરસાદ પડ્યો છે. જેમાં સૌથી વધુ વરસાદ જલાલપોર તાલુકામાં 3 ઈંચ ખાબક્યો છે. આ સાથે ધોધમાર વરસાદ વચ્ચે અનેક વિસ્તારોમાં પાણી ભરાતા અનેક પરિવારો સ્થળાંતર કરવા માટે મજબૂર બન્યા છે.
- Advertisement -
નવસારીમાં બે કલાકમાં 4 ઈંચ થી વધુ વરસાદ
નવસારી જિલ્લામાં વરસાદી માહોલ યથાવત જોવા મળી રહ્યો છે. જેને લઈ નવસારી શહેરમાં બે કલાકમાં 4 ઈંચ થી વધુ વરસાદ વરસ્યો છે. ખાસ કરીને જલાલપોર તાલુકામાં 3 ઈંચ, વાંસદા તાલુકામાં સવાં ઇંચ અને ખેરગામ 1 ઇંચ વરસાદ નોંધાયો છે. આ તરફ વરસાદના કારણે પૂર્ણા નદીની જળ સપાટીમાં વધારો થતાં પૂર્ણા નદીની સપાટી 16 ફૂટ પર પહોંચી છે. નોંધનીય છે કે, પૂર્ણા નદીની ભયજનક સપાટી 23 ફૂટ પર છે. આ સાથે અંબિકા નદીની સપાટી 16 ફૂટ પર પહોંચી તો અંબિકા નદીની ભયજનક સપાટી 28 ફૂટ પર છે. આ સાથે કાવેરી નદીની સપાટી 13 ફૂટ પર પહોંચી તો કાવેરી નદીની ભયજનક સપાટી 23 ફૂટ છે. આ તરફ હવે પાણીની સતત આવક થતા વહીવટી તંત્ર એલર્ટ બન્યું છે.
ભારે વરસાદથી નદીઓમાં ઘોડાપૂર
નવસારીમાં મેઘમહેર વચ્ચે ઉપરવાસમાં વરસાદથી નદીઓ ભયજનક સપાટીએ છે. ચીખલીમાંથી પસાર થતી કાવેરી નદીની સપાટી 19 ફૂટ પર પહોંચી તો કાવેરી નદીમાં જળસ્તર વધતા તડકેશ્વર મહાદેવ મંદિર પાણીમાં ગરકાવ થયું છે. આ તરફ કાવેરી નદી પરનો કોઝવે ભારે વરસાદથી પાણીમાં ગરકાવ થયો છે. આ સાથે કોઝવે પર પાણી ફરી વળતાં ચીખલીથી હરણ ગામનો રસ્તો બંધ થયો છે.
