પોલીસ પોઈન્ટ હોવા છતાં સર્જાતા અકસ્માત, પોલીસની કામગીરી સામે ઉઠતા સવાલો
ખાસ-ખબર ન્યૂઝ મોરબી, તા.3
હળવદ સરા ચોકડીએ પાસે છેલ્લા કેટલાક સમયથી ઓવરલોડ માતેલા સાંઢની માફક ખુલ્લેઆમ નિકળતા ડમ્પરો થી શહેજનોને ભારે મુશ્કેલીનો સામનો કરવો પડે છે. એટલું જ નહીં સાંજે 6 થી સવારે 6 વાગ્યા સુધી ખનિજનું વહન અને ખનન ન કરવા જીલ્લા કલેકટરનું જાહેરનામું છતાં પણ ખુલ્લેઆમ ખનિજ માફિયાઓ રાત્રી દરમિયાન ખનિજનું વહન કરી વહાન ચાલકોના જીવ જોખમમાં મૂકી રહ્યા છે.
હળવદ શહેર અને તાલુકામાં વાહન અકસ્માતના બનાવો સતત વધી રહ્યા છે અને તેમાં અનેક માનવ જિંદગીઓ મોત ને ભેટી રહી છે ત્યારે અકસ્માત વધતા બનાવવામાં આરટીઓ અને પોલીસની બેદરકારી સાબિત થઈ રહી છે હળવદના સરા રોડ પર માતેલ સાંઢ ની માફક ઓવરલોડ દોડતા ડમ્પરો અંકુશમાં રાખવા શહેરીજનોમાં માગણી ઉઠવા પામી છે. હળવદ સરા ચોકડી ચોકડી પાસે છેલ્લા ત્રણ દિવસમાં ત્રણ અકસ્માતો સર્જાયા છે સદનસીબે મોટી જાનહાની ટળી હતી. ડમ્પર અને ટ્રક ચાલકે ત્રણ દિવસમાં ત્રણ બાઈક ચાલકોને અડફેટે લીધા હતા, સરા ચોકડીએ પોલીસ પોઇન્ટ હોવા છતાં અકસ્માત સર્જાતા અનેક સવાલો ઉઠવા પામ્યા છે.હળવદ શહેર અને તાલુકામાં હિટ એન્ડ રન જેવા કિસ્સાઓમાં અકસ્માત સર્જના ચાલક બેફોર્મ સ્પીડ અને ઘણી વખત નશાની હાલતમાં હંકારીને નિર્દોષ માનવ જિંદગીને મોતને ઘાટ ઉતારી રહ્યા છે તેમ છતાં તંત્ર દ્વારા તેમની સામે કડક કાર્યવાહી કરી શકતું નથી, આ બાબતે સરા રોડ પર આવેલ સોસાયટી ના રહીસોની માંગણી છે કે માતેલા સાંઢની માફક દોડતા અવોરલોડ ડમ્પરો લોકો માટે જોખમરૂપ સાબિત થઈ રહ્યા છે. તો તંત્ર દ્વારા કાર્યવાહી હાથ ધરવામાં આવે તેવી માંગણી છે.
- Advertisement -
હળવદ સરા ચોકડી પાસે માતેલ સાંઢની માફક દોડતા ડમ્પરો અનેક વાર અકસ્માત સર્જે છે. અનેક ડમ્પરો બે ફોર્મ દોડી રહ્યા છે અત્યાર સુધીમાં અનેક માનવ જિંદગીમાં મોતને ભીટી ચૂકી છે તેમજ ઘનશ્યામપુર રોડ પર શાળા ટ્યુશન ક્લાસ તેમજ રહેણાંક વિસ્તાર આવેલ હોવા છતાં ફુલ સ્પીડે ડમ્પરો આવે છે અને તેમ છતાં તેને અટકાવનાર કોઈ નથી. તાત્કાલિક ધોરણે તંત્ર દ્વારા આ બાબતની ગંભીરતા લઈને કડક કાર્યવાહી કરી વધતા જતા વાહનો અકસ્માત ઉપર બ્રેક લગાવી જોઈએ તેવી શહેરીજનોની માગણી ઉઠવા પામી છે.
