દેશના ગ્રોથ એન્જિન ગુજરાતની વધુ એક સિદ્ધિ
મુખ્યમંત્રી ભૂપેન્દ્ર પટેલના નેતૃત્વમાં ગુજરાતનું ૠજઉઙ 24.62 લાખ કરોડ થયું: 10 લાખ કરોડથી વધુની અર્થવ્યવસ્થા ધરાવતા મુખ્ય રાજ્યોમાં ગુજરાતનો સરેરાશ 8.42% વાસ્તવિક વૃદ્ધિ દર સર્વોચ્ચ
- Advertisement -
ખાસ-ખબર ન્યૂઝ ગાંધીનગર
વડાપ્રધાન નરેન્દ્ર મોદીની દૂરંદેશીને મુખ્યમંત્રી ભૂપેન્દ્ર પટેલ મક્કમતાથી આગળ વધારી રહ્યા છે, જેના પરિણામે ગુજરાત આર્થિક પ્રગતિમાં નવા માપદંડો સ્થાપિત કરી રહ્યું છે. ગુજરાતની માથાદીઠ આવક પહેલીવાર ₹3 લાખને પાર થઈને ₹3,00,957 નોંધાઈ છે. આ સાથે, સપ્ટેમ્બરમાં પૂરા થયેલા બીજા ક્વાર્ટરમાં ભારતના 8.2% ના ૠઉઙ ગ્રોથમાં ગુજરાતે મજબૂત પ્રદર્શન
જાળવી રાખ્યું છે અને તે ભારતનું ગ્રોથ એન્જિન કહેવાય છે.
તાજેતરના ડેટા અનુસાર, ગુજરાત છેલ્લા દાયકામાં અસાધારણ વૃદ્ધિ હાંસલ કરીને ₹24.62 લાખ કરોડના કુલ રાજ્ય ઘરેલુ ઉત્પાદન (ૠજઉઙ) સાથે હવે મહારાષ્ટ્ર, તમિલનાડુ, ઉત્તર પ્રદેશ અને કર્ણાટક પછી ભારતના ટોચના પાંચ સૌથી મોટા અર્થતંત્રોમાં સ્થાન ધરાવે છે.
ગુજરાતની અર્થવ્યવસ્થાની વૃદ્ધિ માત્ર કદમાં જ નહીં, પણ વાસ્તવિક દ્રષ્ટિએ પણ સૌથી વધુ છે. ફુગાવાની અસરને દૂર કરીને કોન્સ્ટન્ટ પ્રાઇસિસ પર માપવામાં આવેલ વૃદ્ધિ મુજબ, 2012-13 થી 2023-24ના સમયગાળા દરમ્યાન ગુજરાતે સરેરાશ 8.42% વૃદ્ધિ દર હાંસલ કર્યો છે, જે ₹10 લાખ કરોડથી વધુની અર્થવ્યવસ્થા ધરાવતા તમામ મુખ્ય રાજ્યોમાં સૌથી વધુ છે. આ સાથે ગુજરાતે કર્ણાટક (7.69%) અને તમિલનાડુ (6.29%) જેવા રાજ્યોને પણ પાછળ છોડી દીધા છે.
ગુજરાતની અર્થવ્યવસ્થા વિવિધ ક્ષેત્રોની મજબૂત કામગીરીના કારણે ઝડપથી બદલાઈ રહી છે. મૂળ કિંમતો પર ગુજરાતનું ૠજઉઙ 2011-12માં ₹6.16 લાખ કરોડથી વધીને 2023-24માં ₹24.62 લાખ કરોડ થયું છે, જે એક દાયકામાં લગભગ ચાર ગણો વધારો દર્શાવે છે.
રાજ્યની અર્થવ્યવસ્થામાં ક્ષેત્રીય યોગદાન
ક્ષ મેન્યુફેક્ચરિંગ ક્ષેત્ર: ₹7.43 લાખ કરોડ (ગ્રોસ સ્ટેટ વેલ્યુ એડેડનો લગભગ એક તૃત્યાંશ હિસ્સો).
ક્ષ વેપાર, પરિવહન, નાણાંકીય સેવાઓ અને રિયલ એસ્ટેટ: ₹7.81 લાખ કરોડ.
ક્ષ ક્ધસ્ટ્રક્શન અને યુટિલિટી ક્ષેત્ર: ₹2.31 લાખ કરોડ.
ક્ષ કૃષિ, વન અને માછીમારી: ₹3.69 લાખ કરોડ (રાજ્યનો સમાવેશી વિકાસ સુનિશ્ચિત કર્યો).
- Advertisement -
માથાદીઠ આવકમાં નવું સીમાચિહ્ન
ગુજરાતે આર્થિક ક્ષેત્રે નવું સીમાચિહ્ન મેળવ્યું છે અને તેની માથાદીઠ આવક પહેલીવાર ₹3,00,957 થઈ ગઈ છે. આ આંકડો મહારાષ્ટ્ર અને ઉત્તર પ્રદેશ જેવા રાજ્યો કરતાં વધુ છે, જે રાજ્યની ઉચ્ચ શ્રમ ઉત્પાદકતા અને વ્યાપક આર્થિક ભાગીદારી દર્શાવે છે. 8.42% વાસ્તવિક વૃદ્ધિ દર, મજબૂત લાંબા ગાળાના વિકાસ અને સતત વિસ્તરતા ઇકોનોમિક બેઝ સાથે ગુજરાત સુશાસન, સ્થિતિસ્થાપકતા અને વ્યૂહાત્મક અમલીકરણના મોડેલ તરીકે ઊભર્યું છે.
