ટેસ્લા માટે ગુજરાતે લાલ જાજમ પાથરી

ખાસ-ખબર સંવાદદાતા
ઇલેક્ટ્રિક કાર બનાવનાતી કંપની ટેસ્લાને ગુજરાત સરકારની તરફથી 1000 હેકટર જમીનની ઓફર કરાયાની માહિતી સામે આવી છે. આ જમીન કચ્છના દરિયાકિનારે આવેલા મુન્દ્રામાં છે. જ્યાં ટેસ્લાને મેન્યુફેકચરિંગ યુનિટ સ્થાપવાની ઓફર મળી છે. એવું નથી કે માત્ર ગુજરાત જ ટેસ્લાને આકર્ષવા માટે જમીનની ઓફર કરી રહ્યું છે. આ સિવાય કર્ણાટક અને મહારાષ્ટ્રની તરફથી પણ ટેસ્લાને આકર્ષવાની કોશિષ થઇ રહી છે. આ વર્ષે 8 જાન્યુઆરીના રોજ ટેસ્લાએ કર્ણાટકના બેંગલુરૂમાં ટેસ્લા ઇન્ડિયા મોટર્સ એન્ડ એનર્જી પ્રાઇવેટ લિમિટેડ નામથી કંપની રજીસ્ટર કરાવી હતી. એક રિપોર્ટ અનુસાર મહારાષ્ટ્ર ઔદ્યોગિક વિકાસ નિગમના પી.અન્બાલાગન કહે છે કે મહારાષ્ટ્ર સરકાર અને ટેસ્લાના અધિકારીઓની વચ્ચે 4 મીટિંગ યોજાઇ છે. ટેસ્લા એ નક્કી નથી કરી શકી કે તેને કયાં પોતાનું મેન્યુફેકચરિંગ યુનિટ લગાવવું જોઇએ, આથી તે કર્ણાટક, મહારાષ્ટ્ર, અને ગુજરાત ત્રણેય સરકારોની સાથે વાત કરી રહ્યું છે.