આરોગ્ય ક્ષેત્રે સંશોધન કરવા માટે સરકાર 10 લાખની સહાય આપશે

સ્કીમ ફોર પ્રમોટિંગ રીસર્ચ ઇન હેલ્થ એન્ડ મેડિકલ કેરને મંજૂરી

પ્રોજેક્ટ્સ એકથી ત્રણ વર્ષની સમય મર્યાદાના  હોવા જરૂરી
ખાસ-ખબર ન્યૂઝ રાજકોટ

તબીબી વિજ્ઞાની અંદર નવા જ્ઞાન, નિદાન અને ચિકિત્સાની નવી પધ્ધતિઓન તેમજ રોગોનો બોજ, તેના ફેલાવા, તેની પાછળના પરિબળો પર સંશોધન કરી શકાય તેમજ રાજ્યમા તબીબ સંશોધનને પ્રોત્સાહન મળે તે માટે રાજ્ય આરોગ્ય વિભાગ દ્વારા યોજના સ્કીમ ફોર પ્રમોટીંગ રિસર્ચ ઇન હેલ્થ એન્ડ મેડિકલ કેર શરૂ કરવામાં આવી છે. જેને વહીવટી મંજૂરી અપાઇ છે. જે અંતર્ગત રાજ્યની સરકારી મેડિકલ કોલેજ, જીલ્લા કે પેટા જીલ્લા અને સુપર સ્પેશ્યાલિસ્ટ હોસ્પિટલ ખાતેના ફેકલ્ટી, તજજ્ઞો કે જેમાં ખઇઇજ / ખજ/ ખઉ/ ખઈઇં/ ઉખ/ ઉગઇ અથવા એલાઇડ સંવર્ગના ઙવઉ ઘરાવનાર ફેકલ્ટીને લાભ આપવામાં આવશે.
આ યોજના હેઠળ રીસર્ચ સહાય આપવા માટે પ્રોજેક્ટ દીઠ મહત્તમ રૂ.10 લાખની ગ્રાન્ટ આપવામાં આવશે. રૂ. 10 લાખથી ઉપરના પ્રોજેક્ટ માટે ભારત સરકારની સ્કીમ, ઈંઈખછ અને અન્ય ઓર્ગેનાઇઝેશન અથવા અન્ય રીસર્ચ સ્કીમમાંથી અનુદાન મેળવવા રાજય સરકાર દ્વારા ભલામણ કરવામાં આવશે. ડોકટરો દ્વારા હાથ ધરવામાં આવનાર રીસર્ચ પ્રોજેક્ટ એક થી ત્રણ વર્ષની સમયમર્યાદામાં હોવા ખુબ જ જરૂરી છે. આ અંગે મળનાર ભંડોળનો ઉપયોગ રીસર્ચ એક્ટિવિટી સંલગ્ન ફિલ્ટ એક્ટિવિટી, ટ્રાન્સપોર્ટ, ડોક્યુમેન્ટેશન, કંઝ્યુમેબલ અન્ય આનુષંગિક ખર્ચ માટે કરવાના રહેશે.
આ સિવાય માળખાકીય બાબતમાં મહત્તમ પ્રોજેક્ટ દીઠ ત્રણ લાખની મર્યાદામાં ખર્ચ કરી શકાશે. જે કુલ ઉપલબ્ધ ભંડોળ 10 લાખની મર્યાદામાં રહેશે. તે સિવાય અન્ય ખરીદી કરવાની રહેશે. રીસર્ચ પ્રોજેક્ટ મંજૂર કરવા માટે સ્ટેટ રીસર્ચ એડવાઇઝરી કમીટી રિસર્ટ પ્રપોઝલની સમીક્ષા કરશે. હાલ સમગ્ર વિશ્વમાં જેનેટિક્સ, ટાર્ગેટેડ ડ્રગ્સ ડિલીવરી, પર્સનલાઇઝ્ડ મેડિસિન, સ્ટેમ સેલ થેરપી, રિજનરેટિવ મેડિસિન પ્રકારના વૈશ્વિક કક્ષાએ નવતર પ્રયાસો અને સંશોધનો થઈ રહ્યા છે. ત્યારે આરોગ્યલક્ષી સેવાઓ વધુ સુદ્રઢ બનાવવા તેમજ અત્યાધુનિક અને એવિડંસ બેઝ્ડ મેડિસિન તરફ જવા માટે આ સ્કીમ આશીર્વાદરૂપ બની રહેશે. આ યોજનાથી રાજયમાં હેતુલક્ષી રિસર્ચનો આધાર લઈ અત્યારે જે રિસર્ચ કરવામાં આવે છે તેમાં સુધારો કરીને પરિણામલક્ષી બનાવવા, નવી દવાઓ – નવી પદ્ધતિઓ – નવતર પ્રયાસોની અસરકારકતાને વધુ સક્ષમતાથી જાણવા અને અધ્યતન ટેકનોલોજીના ઉપયોગથી રિસર્ચને વેગ મળશે અને રાજય દ્વારા તબીબી વિજ્ઞાનના વિકાસમાં યોગદાન મળી રહેશે.

આરોગ્યલક્ષી સેવાઓ વધુ સુદ્રઢ બનાવવા તેમજ અત્યાધુનિક અને એવિડન્સ બેઝ્ડ મેડિસિન તરફ જવા માટે આ સ્કીમ આશીર્વાદરૂપ બની રહેશે