ગોંડલના મોવિયા ગામના 98 વર્ષના બચુબાપા કાલરીયાએ કોરોના વેકસિન લીધી…

ગોંડલ તાલુકાના મોવિયા ગામે 98 વર્ષના બચુબાપા કાલરીયાએ કોરોના વેકસિન લીધી હોવાના સમાચારો સામે આવ્યા છે.આજે કોરોના વાયરસ વિશ્ર્વના દેશો માટે મહામારી બન્યો છે.ત્યારે મોવિયા ગામના 98 વયોવૃદ્ધ બચુભાઈ મનજીભાઈ કાલરીયા એટલે કે બચુબાપાએ દેશની આઝાદીનો જંગ પણ જોયલ છે.આ સાથે જ તેમણે ભૂતકાળમાં આવેલ પ્લેગ મરકી અને શીતળા જેવા રોગોની મહામારી નજરે નિહાળી છે.બચુબાપાની તંદુરસ્તી આજે પણ યુવાનોને શરમાવે તેવી છે.આજે પણ તેઓ ગોંડલ થી પૂજ્ય હદતપરી બાપુના મંદિર સુધી યોજાતી પદયાત્રા જોડાય છે.ત્યારે ચાર પેઢી નિહાળનાર બચુબાપા કાલરીયાએ મોવિયા ગામે દિપક હાઈસ્કૂલ ખાતે યોજાયેલ કોવિડ વેકસિન કેમ્પમાં કોરોના વેકસિન લીધી હતી.આ સાથે જ તેમણે લોકોને કોઈપણ જાતનો ડર રાખ્યા વિના જ કોરોના વેકસિન લેવા માટેની અપીલ કરી હતી.