ગોડ ઇન મેન, ડેવિલ ઇન મેન

ઇટાલીના મિલાન શહેરમાં રહેતા એક ચિત્રકારને વિચાર આવ્યો કે, ‘મારે ભગવાન જેવું જીવન જીવતા માણસનું ચિત્ર દોરવું છે.’ આ માટે એ એવા ચહેરાની શોધમાં નીકળ્યો જે ભગવાન જેવો નિર્દોષ, નિખાલસ અને પ્રેમાળ હોય. બહુ શોધખોળના અંતે એક નાના બાળક પર તેને પોતાની પસંદગી ઉતારી. 5-6 વર્ષનું આ બાળક ખરેખર ભગવાન જેવું જ નિર્દોષ, નિખાલસ અને પ્રેમાળ હતું. પેલા ચિત્રકારે આ બાળકનું ચિત્ર બનાવ્યું અને નામ આપ્યું, Fod in Man. વર્ષો પછી આ ચિત્રકારને પોતાની વૃદ્ધાવસ્થામાં દુનિયાને એક બીજું ચિત્ર આપવાની પણ ઇચ્છા થઈ કે, ‘દુનિયાને શેતાનનો પણ પરિચય કરાવવો છે અને શેતાન જેવું જ જીવન જીવતા માણસનું ચિત્ર ઉયદશહ શક્ષ ખફક્ષ બનાવવું છે.’ આ માટે એ શેતાની ચહેરાની શોધમાં નીકળ્યો. જેલમાં સજા કાપી રહેલા અને નિર્દોષ લોકોની હત્યાના એક આરોપીને એણે આ ચિત્ર માટે પસંદ કર્યો. પેલા કેદીને આ વાતની ખબર પડી ત્યારે તે રડવા માંડ્યો. બધાંને આશ્ચર્ય થયું કે આ રડે છે કેમ ? જ્યારે ચિત્રકારે કેદીને રડવા માટેનું કારણ પૂછ્યું ત્યારે પેલા કેદીએ એટલું જ કહ્યું, ચિત્રકાર મહાશય, તમે મને ભૂલી ગયા છો પણ મને તમારો ચહેરો બરાબર યાદ છે. વર્ષો પહેલા ભગવાનનું ચિત્ર દોરવા માટે તમે જે બાળકની પસંદગી કરી હતી તે હું જ છું.

આ વાર્તા નહીં વાસ્તવિકતા છે. બધાં જ બાળકો નિર્દોષ, નિખાલસ અને પ્રેમાળ જ હોય છે. એને હિટલર કે ગાંધી આપણે જ બનાવીએ છીએ. આપણા વર્તનને કારણે કોઈ પરમાત્માથી શેતાન બનવા તરફ આગળ ન વધે એટલું ધ્યાન રાખીએ તો પણ ઉપરવાળાનો ચહેરો મલકી ઊઠશે. અને માણસને શેતાન બનાવવાનું કામ કરતા હોઈશું; તો મંદિરની આરતી, મસ્જિદની નમાજ કે ચર્ચની પ્રેયર પણ પરમાત્માના ચહેરા પરની વેદના દૂર નહીં કરી શકે.

આપણામાંની દરેક વ્યક્તિમાં સારા અને નરસા બંને ગુણો પડેલા હોય છે. જે સારા ગુણો પર ધ્યાન કેન્દ્રિત કરવાનો નિર્ણય કરે છે તે સફળ થાય છે

– નરેન્દ્ર મોદી