કોડિનાર તાલુકાના ઘાંટવડ ગામે સરકારી જમીન પરનું દબાણ દૂર કરાયું: રૂ.50 લાખની 3000 ચો.મી જમીન ખુલ્લી કરવામાં આવી

ખાસ-ખબર ન્યૂઝ ગિર-સોમનાથ, તા.24
જિલ્લા કલેકટર એન.વી. ઉપાધ્યાયના માર્ગદર્શન હેઠળ છેલ્લા થોડા સમયથી ચાલી રહેલ દબાણ દૂર કરવાની કામગીરી અંતર્ગત આજે આજે કોડિનાર તાલુકાના ઘાંટવડ ગામ મુકામે તંત્ર દ્વારા દબાણ દૂર કરવામાં આવ્યું હતું. આ અંગેની વિગત જોઈએ તો, પ્રાથમિક આરોગ્ય કેન્દ્ર માટે મંજૂર થયેલ જગ્યા પર બે દબાણદારો દ્વાર દબાણ કરવામાં આવ્યું હતું. જેને દૂર કરીને આશરે 3,000 ચો.મી. જગ્યા ખુલ્લી કરવામાં આવી હતી. આ જમીનની અંદાજિત કિંમત રૂ. 50 લાખ થવા જાય છે. આ જગ્યા ઘાંટવડ ગ્રામ પંચાયત દ્વારા પોલીસ બંદોબસ્ત સાથે રાખી એક જે.સી.બી. મશીન તેમજ ટ્રેક્ટર દ્વારા દબાણ દૂર કરવામાં આવ્યું હતું.