અમરેલી જિલ્લામાં ચાર નગરપાલિકાની ચૂંટણી જાહેર

લાઠી, ચલાલા, જાફરાબાદ, રાજુલા પાલિકાની ચૂંટણી યોજાશે

રાજયભરની જાહેર થયેલ સ્થાનિક સ્વરાજયની ચૂંટણીમાં અમરેલી જિલ્લાની ચાર નગરપાલિકાની સામાન્ય ચૂંટણી તથા અમરેલી નગરપાલિકાની ખાલી પડેલ બે મહીલા અનામત બેઠકની ચૂંટણી જાહેર થવા પામેલ છે.

અમરેલી જિલ્લાની ચાર નગરપાલિકાની સામાન્ય ચૂંટણીમાં ડી વર્ગની લાઠી અને ચલાલા અને સી વર્ગની લાઠી અને જાફરાબાદ નગરપાલિકાની સામાન્ય ચૂંટણી યોજાશે. આ ઉપરાંત એ ગ્રેડની અમરેલીનગરપાલિકાની વોર્ડ નં. 7 અને 5 માં તથા ડી ગ્રેડની કુંડલામાં વોર્ડ નં. 3 માં અને ડી ગ્રેડની દામનગર પાલિકામાં વોર્ડ નં. 2 અને 3 માં એક-એક બેઠકની પેટા ચૂંટણી જાહેર થઈ છે.

સાથે સાથે તાલુકા પંચાયતોમાં અમરેલી જિલ્લાનાં બાબરાની કરીયાણા, બગસરાની વાઘણીયા જુના અને ધારીની મીઠાપુર ડુંગરીની પેટા ચૂંટણી પણ જાહેર થઈ છે.