રાવલપિંડીના નૂર ખાન એરબેઝ પર ભારતીય વાયુસેનાના વિમાનમાં સવાર થયા બાદ જયશંકરે સોશિયલ મીડિયા પ્લેટફોર્મ X પર એક પોસ્ટ કરી હતી. જેમાં તેણે પાકિસ્તાનના વડાપ્રધાન શાહબાઝ શરીફનો આભાર માન્યો છે.
અગાઉ, વિદેશ મંત્રી જયશંકરે કહ્યું હતું કે બુધવારે ઇસ્લામાબાદમાં SCO સભ્ય દેશોના વડાઓની બેઠકમાં ભારતે સકારાત્મક અને રચનાત્મક યોગદાન આપ્યું હતું. આ સમયગાળા દરમિયાન કુલ આઠ દસ્તાવેજો પર હસ્તાક્ષર કરવામાં આવ્યા હતા, જેમાં ભારતીય દૃષ્ટિકોણથી સંબંધિત ઘણી મહત્વપૂર્ણ બાબતોનો સમાવેશ થાય છે. વિદેશ મંત્રીએ બુધવારે સવારે SCO કાઉન્સિલની 23મી બેઠકમાં ભાગ લીધો હતો, જેમાં તેમણે કહ્યું હતું કે આતંકવાદ, ઉગ્રવાદ અને અલગતાવાદ ‘ત્રણ બુરાઈઓ’ છે, જો તેને ઉકેલવામાં નહીં આવે તો સહયોગના લાભો પ્રાપ્ત થશે નહીં. જયશંકરે કહ્યું, જો સીમા પાર આતંકવાદ, ઉગ્રવાદ અને અલગતાવાદ જેવી પ્રવૃત્તિઓ થાય છે, તો તેનાથી વેપાર, ઉર્જા પ્રવાહ અને લોકો-થી-લોકોના સંપર્કોને પ્રોત્સાહન મળવાની શક્યતા નથી.
- Advertisement -
શાંઘાઈ કોઓપરેશન ઓર્ગેનાઈઝેશન (SCO) સામેના પડકારો પર પ્રકાશ પાડતા ભારતીય વિદેશ મંત્રીએ કહ્યું, તેનો ઉદ્દેશ્ય પરસ્પર વિશ્વાસ, મિત્રતા અને સારી પડોશીના સંબંધોને મજબૂત કરવાનો અને પ્રાદેશિક સહયોગ વિકસાવવાનો છે.
છેલ્લા 9 વર્ષમાં કોઈ ભારતીય વિદેશ મંત્રીની પાકિસ્તાનની આ પહેલી મુલાકાત હતી. આ પહેલા વર્ષ 2015માં તત્કાલિન વિદેશ મંત્રી સુષ્મા સ્વરાજે ઈસ્લામાબાદમાં હાર્ટ ઓફ એશિયા કોન્ફરન્સમાં ભાગ લીધો હતો.
