લગ્નના આઉટફિટનો ફરીથી ઉપયોગ કરવા માટે આ ટિપ્સ અપનાવો

દરેક દુલ્હનની તેના લગ્નના લહેંગા સાથે એક ખાસ લાગણી હોય છે. તે હંમેશા તેને લગ્નની સુંદર ક્ષણની યાદ અપાવે છે જેના માટે તેણે ઘણા સપના જોયા હતા. લગ્નના કપડા છોકરીઓના દિલની ખૂબ જ નજીક હોય છે, એટલા માટે દરેક છોકરી તેના લગ્ન પ્રસંગે સૌથી સુંદર લહેંગા પહેરવા માંગે છે.

જોકે, લગ્નના લહેંગાની એક સમસ્યા એ છે કે લગ્ન પછી તેનો વધુ ઉપયોગ નથી થતો અને સમય જતાં તે ફેશનની બહાર થઈ જાય છે. તમે આ લગ્નની સિઝનમાં લગ્નના લહેંગાનો ફરીથી ઉપયોગ કરવા માંગો છો, તો તેનો સ્ટાઇલ કરવા માટે અહીં કેટલીક સરળ ટિપ્સ છે.

લહેંગા સાથે મિક્સ એન્ડ મેચ કરો

તમે લહેંગા, દુપટ્ટા અને બ્લાઉઝને અન્ય કોઈપણ કપડા સાથે સરળતાથી મિક્સ અને મેચ કરી શકો છો. તમે બ્લાઉઝને કોઈપણ સાડી સાથે કોન્ટ્રાસ્ટ કરી શકો છો. આ સિવાય તમે કોઈ પણ પાર્ટીમાં સૂટ પહેરીને દુપટ્ટાને તેની સાથે કેરી કરી શકો છો. આટલું જ નહીં, તમે લહેંગા સાથે કોન્ટ્રાસ્ટ બ્લાઉઝ કેરી કરી શકો છો. આ તમારા ગેટઅપને સંપૂર્ણપણે બદલી નાખશે.

હાફ સાડી સ્ટાઇલમાં પહેરો

તમે તમારી ઈચ્છા મુજબ લહેંગાના દુપટ્ટાને પણ સાડીની જેમ પહેરી શકો છો. આ સાથે તમને એક અલગ લુક મળશે. આજકાલ લહેંગામાંથી સાડી બનાવવાનો ટ્રેન્ડ છે. તમે તમારા કોઈપણ મિત્ર કે સંબંધીના લગ્નમાં આ લુક કેરી કરી શકો છો.

બ્લાઉઝ સાથે ડ્રેપ્ડ સ્કર્ટ સ્ટાઇલ કરો

તમે તમારા બ્લાઉઝને કોઈપણ અન્ય લહેંગા અથવા ડ્રેપ્ડ સ્કર્ટ સાથે સ્ટાઇલ કરી શકો છો. આજકાલ માર્કેટમાં ઘણા ટ્રેન્ડી ડ્રેપ્ડ સ્કર્ટ ઉપલબ્ધ છે. કોઈપણ પાર્ટી અથવા ખાસ પ્રસંગ માટે તમારી પસંદગી મુજબ તેને સ્ટાઇલ કરી શકો છો.

લહેંગામાંથી અનારકલી બનાવડાવો

જો તમારા ઘરમાં કોઈના લગ્ન અથવા અન્ય કોઈ ફંક્શન હોય અને તમને તમારા લહેંગા સિવાય અન્ય કોઈ ડ્રેસ નથી મળી રહ્યો, તો તમે તેમાંથી અનારકલી બનાવડાવી શકો છો.

બીજા ડ્રેસ સાથે લહેંગાના દુપટ્ટાનો ઉપયોગ કરો

જો તમે કોઈ ફંક્શનમાં જઈ રહ્યા છો અને તમારો લુક સિમ્પલ રાખવા માંગો છો, તો તમારા સૂટ સાથે લહેંગાના દુપટ્ટાને કેરી કરી શકો છો. આની સાથે તમારે હળવી જ્વેલરી પહેરવી જોઈએ.