અષાઢી બીજ અગાઉ જૂનાગઢ શહેરમાં 200 પોલીસ જવાનોની ફ્લેગ માર્ચ

ખાસ-ખબર સંવાદદાતા
જૂનાગઢ જિલ્લા પોલીસ વડા રવિ તેજા વાસમ શેટ્ટીના માર્ગદર્શન હેઠળ જૂનાગઢ ડિવિઝનના ડીવાયએસપી પ્રદીપસિંહ જાડેજા, એ/બી ડિવિઝન પોલીસ સ્ટેશનના પીઆઇ એન.આર. પટેલ, પીએસઆઈ બી.કે.ચાવડા, સી ડિવિઝન પોલીસ સ્ટેશનના પીએસઆઈ જે.જે ગઢવી, ભવનાથ પોલીસ સ્ટેશનના પીએસઆઈ એમ.સી. ચુડાસમા, ક્રાઇમ બ્રાન્ચના પીઆઈ હરેન્દ્રસિંહ ભાટી, પીએસઆઈ ડી.જી. બડવા સહિતના પોલીસ કર્મીઓએ અષાઢી બીજનાં ઉત્સવને લઇ શહેરમાં ફ્લેગ માર્ચ યોજવામાં આવી હતી.જેમાં 01 ડીવાયએસપી, 02 પીઆઈ, 05 પીએસઆઈ, 80 પોલીસ, બે પ્લાટૂન એસઆરપી સહિત 200 પોલીસ માણસો તથા પોલીસ અધિકારીઓનો રથયાત્રા રૂટ ઉપર ફ્લેગ માર્ચ યોજવામાં આવી હતી.ઉપરાંત જૂનાગઢ શહેરના ઢાલ રોડ, માંડવી ચોક, સુખનાથ ચોક, જેલ રોડ, સહિતના વિસ્તારોમાં પણ વિશાળ કાફલા સાથે ફ્લેગ માર્ચ યોજી હતી અને લોકોને નિર્ભયપણે તહેવારો ઉજવણી કરવા સંદેશો આપવામાં આવ્યો હતો. જૂનાગઢમાં યોજાનાર રથયાત્રા અને વીઆઇપી મૂવમેન્ટને લઇને ખાસ વાહન ચેકીંગ, પેટ્રોલિંગ અને હોટલ ધાબા ચેક કરવા તેમજ નાઈટ રાઉન્ડ સઘન બનાવી, નાઈટ દરમિયાન પણ ગુનેગારોને ચેક કરવા ખાસ આયોજન કરવામાં આવ્યું છે.