પોલીસ હેડક્વાર્ટરમાં ધ્વજવંદન કરાયું: અશ્વ કરતબ અને ડોગ-શૉ આકર્ષણનું કેન્દ્ર

ખાસ-ખબર સંવાદદાતા
રાજકોટ શહેર પોલીસ દ્વારા સ્વતંત્રતા પર્વ નિમિત્તે રેસકોર્સ ખાતે આવેલા પોલીસ હેડક્વાર્ટર ખાતે ભવ્ય કાર્યક્રમો યોજાયા હતા. આ તકે જુદી-જુદી કુલ 9 જેટલી પ્લાટુન દ્વારા વિવિધ રીતે રાષ્ટ્રધ્વજને સલામી અપાઈ હતી.

ધ્વજવંદન બાદ પોલીસ કમિશનર દ્વારા પરેડ નિરીક્ષણ કરવામાં આવ્યું હતું. તેમજ યોજાયેલા અશ્વના કરતબો અને ડોગ-શો લોકોમાં આકર્ષણનું કેન્દ્ર બન્યા હતા. આ કાર્યક્રમમાં મોટી સંખ્યામાં લોકો હાજર રહ્યા હતા.

પોલીસની પરેડ નિહાળી તાળીઓનો ગડગડાટ કર્યો હતો. જેમાં હોર્સ શો નામની ખાસ અશ્વ પરેડ યોજાઈ હતી. આ પરેડ દરમિયાન અશ્વ પર બેઠેલા જવાનોએ અવનવા કરતબ બતાવ્યા હતા. તો એક ખાસ ડોગ-શો યોજાયો હતો.

જેમાં શહેર પોલીસના ટ્રેઇન્ડ શ્વાનો દ્વારા અવનવા કરતબો કરવામાં આવ્યા હતા. આ દૃશ્યો જોઈને લોકો અચરજમાં મુક્યા હતા. જ્યારે કાર્યક્રમના અંતમાં મારી માટી મારો દેશ અંતર્ગત પોલીસ કમિશનર સહિતનાએ માટી હાથમાં લઈ સુરક્ષાનાં શપથ લીધા હતા.