પોરબંદરમાં ઊટખ મશીનનું પ્રથમ રેન્ડમાઈઝેશન યોજાયું

ખાસ-ખબર ન્યૂઝ પોરબંદર, તા.8

પોરબંદર લોકસભા સામાન્ય ચૂંટણી-2024 અંતર્ગત જિલ્લા ચૂંટણી અધિકારી અને કલેક્ટર કે.ડી. લાખણીની ઉપસ્થિતિમાં ઈવીએમ મશીનનું પ્રથમ રેન્ડમાઈઝેશન યોજાયું હતું. સમગ્ર ગુજરાત રાજ્યની સાથે પોરબંદર જિલ્લામાં લોકસભા સામાન્ય ચૂંટણી- 2024 આગામી તા. 7 મેના રોજ યોજાનાર છે.જિલ્લા ચૂંટણી અધિકારીશ્રી અને કલેક્ટર શ્રી કે.ડી. લાખાણીની ઉપસ્થિતિમાં કલેક્ટર કચેરી ખાતે ચૂંટણીપંચની ગાઈડલાઈન મુજબ જિલ્લામાં સમવિષ્ટ કુલ બે કુતિયાણા અને પોરબંદર વિધાનસભા વિસ્તાર માટે ઈ.એમ.એસ સોફ્ટવેર દ્વારા રેન્ડમાઈઝેશનની પ્રક્રિયા હાથ ધરવામાં આવી હતી. આ રેન્ડમાઈઝેશન વખતે વિવિધ રાજકીય પાર્ટીના પ્રતિનિધિઓ ઉપસ્થિત રહ્યાં હતાં. તટસ્થ ચૂંટણી પ્રક્રિયાના ભાગરૂપે કામગીરી કરવામાં આવી રહી છે.જિલ્લા ચૂંટણી અધિકારીશ્રી કે.ડી. લાખાણી દ્વારા ઈવીએમ રેન્ડમાઈઝેશન કરી સમગ્ર પ્રક્રિયાને આખરી કરવામાં આવી હતી, તથા તેની યાદી રાજકીય પક્ષોને આપવામાં આવી હતી.

ઈવીએમમાં બેલેટ યુનિટ અને ક્ધટ્રોલ યુનિટ એમ બે એકમોનો સમાવેશ થાય છે. પ્રથમ રેન્ડમાઈઝેશન દરમિયાન ચૂંટણી પંચે ઠરાવેલા ધારાધોરણો પ્રમાણે પોરબંદર વિધાનસભા ક્ષેત્રના 247 મતદાન મથક અને એક પૂરક મતદાન મથકનો સમાવેશ થાય છે, તેમજ કુતિયાણા વિધાનસભામાં 236 મતદાન મથક છે. મતદાન મથકોની સંખ્યાના 125 ટકા લેખે ઇઞ- બેલેટ યુનિટ, 125 ટકા લેખે ઈઞ- ક્ધટ્રોલ યુનિટ અને 135 ટકા વીવીપેટ તકેદારીના રૂપમાં ફાળવણી થશે. ધારાધોરણ પ્રમાણે બેલેટ યુનિટ્સ-ક્ધટ્રોલ યુનિટ્સ અને વીવીપેટની ફાળવણી કરાશે. જેમાં કુતિયાણા વિધાનસભામાં બેલેટ યુનિટ 295 અને ક્ધટ્રોલ યુનિટ 295 તેમજ વીવીપેટ 318 એવીજ રીતે પોરબંદર વિધાનસભામાં બેલેટ યુનિટ 310 અને ક્ધટ્રોલ યુનિટ 310 અને વીવીપેટ 334 ની ફાળવણી કરાશે. પોરબંદર જિલ્લાના જિલ્લા ચૂંટણી અધિકારીશ્રીઓ દ્વારા રાજકીય પક્ષોની હાજરીમાં ઇ વી એમનું ફર્સ્ટ રેન્ડમાઈઝેશન હાથ ધરાયુ છે. સાથે જ રેન્ડમાઇઝ્ડ ઈ.વી.એમ જિલ્લા ચૂંટણી અધિકારીઓ દ્વારા તેઓના જિલ્લાના તમામ વિધાનસભા મતવિભાગના મદદનીશ ચૂંટણી અધિકારીઓને સોંપવામાં આવશે. મતદાનની તારીખ પૂર્વે દરેક વિધાનસભા બેઠકને ફાળવવામાં આવેલા કુલ ઈવીએમ અને વીવીપેટનું ફરીથી સેક્ધડ રેન્ડમાઈઝેશન કરાશે અને તેના આધારે ક્યા નંબરનું યંત્ર ક્યા મતદાન મથકે જશે તે નિર્ધારિત કરાશે. આ બેઠકમાં પ્રાંત અધિકારીશ્રી પોરબંદર સંદિપ જાદવ,નાયબ જિલ્લા ચૂંટણી અધિકારીશ્રી હિરલ દેસાઈ, નોડલ ઓફિસર એચ.પી. જોશી, પ્રાંત અધિકારીશ્રી કુતિયાણા, મામલતદાર તથા રાજકીય પક્ષોના પ્રતિનિધિઓ ઉપસ્થિત રહ્યાં હતાં.