હોલીવુડના ફેમસ એક્ટર કાર્લ વેથર્સનું નિધન, 76 વર્ષની વયે લીધા અંતિમ શ્વાસ

રોકી અને પ્રિડેટર સહિત ઘણી ફિલ્મોમાં પોતાના દમદાર અભિનયથી પોતાની ઓળખ બનાવનાર પ્રખ્યાત હોલીવુડ અભિનેતા કાર્લ વેથર્સનું ગુરુવારે અવસાન થયું.

હોલીવુડના જાણીતા અભિનેતા કાર્લ વેથર્સનું નિધન થયું છે. તેણે ફિલ્મ ‘રોકી’માં બોક્સર એપોલો ક્રિડની ભૂમિકા ભજવી હતી જે બાદ તેઓ લોકો વચ્ચે ઘણી ચર્ચાનો વિષય બન્યા હતા. હાલમાં તેમના મૃત્યુનું કારણ બહાર આવ્યું નથી.

Carl Weathers, forever a member of the Lucasfilm family, died Thursday. He was 76.https://t.co/GwVdZ37dpq pic.twitter.com/5HUlRawy3j

— Star Wars (@starwars) February 2, 2024

રોકી અને પ્રિડેટર સહિત ઘણી ફિલ્મોમાં પોતાના દમદાર અભિનયથી પોતાની ઓળખ બનાવનાર પ્રખ્યાત હોલીવુડ અભિનેતા કાર્લ વેથર્સનું ગુરુવારે અવસાન થયું. તેમની ઉંમર 76 વર્ષની હતી. તેમના મેનેજરે એમના મૃત્યુની પુષ્ટિ કરી હતી. મેનેજરના કહેવા પ્રમાણે, કાર્લનું તેના ઘરમાં મૃત્યુ થયું હતું. જો કે હજુ સુધી તેના મોતનું કારણ બહાર આવ્યું નથી.

કાર્લ વેધર્સે ઘણી ફિલ્મો અને ટીવી શોમાં પોતાની વર્સેટિલિટીથી દરેકને પોતાના ચાહક બનાવ્યા હતા. રિપોર્ટ અનુસાર તેના પરિવારે નિવેદનમાં કહ્યું કે કાર્લ એક અસાધારણ માનવી હતો જેણે અસાધારણ જીવન જીવ્યું. ફિલ્મ, ટેલિવિઝન, કળા અને રમતગમતમાં તેમના યોગદાન દ્વારા તેમણે અમીટ છાપ છોડી છે. વિશ્વ તેમને તેમના કામ માટે યાદ કરશે.

Sylvester Stallone pays tribute to Carl Weathers following his tragic passing.

“I give him incredible credit because when he walked into that room, and I saw him for the first time, I saw greatness, but I didn’t realize how great. I never could have accomplished what we did with… pic.twitter.com/cUGSTQwoOM

— DiscussingFilm (@DiscussingFilm) February 3, 2024

રોકીમાં કામ કરતા પહેલા, તે ફૂટબોલ ખેલાડી હતો અને તેને બોક્સિંગનો કોઈ અનુભવ નહોતો. વેધર્સે ઓડિશન આપ્યું હતું અને તેને રોકીમાં અપોલો ક્રિડની ભૂમિકા માટે કાસ્ટ કરવામાં આવ્યો હતો. આ પછી તે ઓસ્કાર વિજેતા ફિલ્મ રોકીની ત્રણ સિક્વલમાં જોવા મળ્યો હતો. તે બોક્સિંગ લિજેન્ડ મોહમ્મદ અલીને પોતાની પ્રેરણા માને છે, તેણે ઘણા ઈન્ટરવ્યુમાં આ વાતનો ઉલ્લેખ કર્યો હતો.

કાર્લ વેધર્સે તેની કારકિર્દીમાં ઘણી યાદગાર ભૂમિકાઓ ભજવી હતી. તેણે ફિલ્મો અને ટીવીમાં 75 થી વધુ પાત્રો ભજવ્યા છે. જેની શરૂઆત તેણે 1970ના દાયકામાં બ્લૅક્સપ્લોટેશન ફિલ્મોથી કરી હતી. આ સિવાય તેણે ડિઝની પ્લસ પર આવેલી ધ મેન્ડલોરિયનમાં કામ કર્યું હતું.