બોર્ડર સુરક્ષા બાબતે ચીનની હરકતો બાબતે વિદેશ મંત્રી જયશંકરનું મોટું નિવેદન

ભારતના વિદેશ મંત્રી એસ. જયશંકરે ચીન અંગે ફરી એકવખત મોટું નિવેદન આપ્યું છે.

વિદેશ મંત્રી એસ. જયશંકરે કહ્યું કે, ચીન બોર્ડર કરારનું ઉલ્લંઘન કરી રહ્યું છે. અને સ્પષ્ટ રીતે આ કરારને નજરઅંદાજ કરી રહ્યું છે. વિદેશ મંત્રી રવિવારે બ્રાઝીલમાં એક કોમ્યુનિટી પ્રોગ્રામને સંબોધિત કરી રહ્યા હતા.

જયશંકરે બ્રાઝીલના સાઓ પાઉલોમાં ભારતીય સમાજ સાથે વાતચીતમાં આ વાત કહી. તેમણે કહ્યું કે, સંબંધો ભરોસાની પાયા પર બને છે. એક-બીજાનું સન્માન જ સંબંધોને આગળ વધારે છે. કોઈ સંબંધોને મજબૂતી આપવા માટે એક-બીજાનું સન્માન જરૂરી હોય છે.

પરંતુ ચીન મુદ્દે આવું નથી. ચીને બોર્ડર પર સીમા કરારનું ઉલ્લંઘન કર્યું છે. ચીને બોર્ડર એરિયા અને ગલવાનમાં જે કર્યું તે સીમા કરારનું ઉલ્લંઘન છે.