ભારતીય આઈટી પ્રોફેશનલ્સ માટે ચિંતાના સમાચાર: 2027 સુધીમાં વિઝા પ્રોગ્રામ નાબૂદ કરવા રિપબ્લિકન સાંસદનો પ્રસ્તાવ
ખાસ-ખબર ન્યૂઝ વોશિંગ્ટન, તા.11
- Advertisement -
અમેરિકી સંસદમાં ઇં-1ઇ વિઝા પ્રોગ્રામને સંપૂર્ણપણે ખતમ કરવા માટે એક બિલ રજૂ કરવામાં આવ્યું છે. ફ્લોરિડાના રિપબ્લિકન સાંસદ ગ્રેગ સ્ટ્યૂબેએ તેને સ્થાનિક સમય અનુસાર સોમવારે રજૂ કર્યું.
આ બિલને ‘એન્ડિંગ એક્સપ્લોઇટેટિવ ઇમ્પોર્ટેડ લેબર એક્ઝેમ્પ્શન્સ એક્ટ’ એટલે કે ઊડઈંકઊ એક્ટ નામ આપવામાં આવ્યું છે. આના દ્વારા ઇમિગ્રેશન એન્ડ નેશનાલિટી એક્ટમાં સુધારો કરીને ઇં-1ઇ વિઝા પ્રોગ્રામને 2027 સુધીમાં સમાપ્ત કરવાનો પ્રસ્તાવ મૂકવામાં આવ્યો છે.
આ બિલ એવા સમયે રજૂ કરવામાં આવ્યું છે, જ્યારે અમેરિકા પહેલાથી જ ઇં-1ઇ અને ઇં-4 વિઝાને લઈને તપાસ અને કડકાઈ વધારી ચૂક્યું છે. જો બિલ પસાર થશે તો તેની સૌથી વધુ અસર અમેરિકા જનારા ભારતીયો પર પડશે.
સાંસદ ગ્રેગ સ્ટ્યૂબેએ ઇં-1ઇ વિઝાનો દુરુપયોગ કરવાના આરોપો લગાવ્યા છે. તેમના મતે તેનાથી અમેરિકી નાગરિકોની નોકરીઓને નુકસાન થયું છે.
સાંસદે કહ્યું કે ઇં-1ઇ વિઝા પ્રોગ્રામના કારણે અમેરિકી કામદારો અને યુવાનો સતત વિસ્થાપિત થઈ રહ્યા છે. તેમના મતે, આ પ્રોગ્રામ કોર્પોરેટ કંપનીઓ અને વિદેશી સ્પર્ધકોને ફાયદો પહોંચાડે છે, જ્યારે સ્થાનિક વર્કફોર્સને નુકસાન થાય છે.
બિલના સમર્થનમાં કહેવામાં આવ્યું છે કે ઇં-1ઇ વિઝાને કારણે ઘણા અમેરિકી કર્મચારીઓને નોકરી ગુમાવવી પડી. દાવો કરવામાં આવ્યો કે 2025માં 9 હજારથી વધુ ઇં-1ઇ વિઝા મંજૂર થયા પછી માઇક્રોસોફ્ટના 16 હજારથી વધુ કર્મચારીઓને હટાવવામાં આવ્યા.
ઇં-1ઇ વિઝાનો સૌથી વધુ ઉપયોગ ભારતીય પ્રોફેશનલ્સ અમેરિકામાં કામ કરવા અને રહેવા માટે કરે છે. અધિકૃત દાવા મુજબ, ઇં-1ઇ વિઝા મેળવનારાઓમાં 70% થી વધુ ભારતીયો છે અને આમાં મોટી સંખ્યા યુવા કર્મચારીઓની છે.
આ કારણોસર સંસદમાં રજૂ કરાયેલા આ બિલની અસર સીધી રીતે ભારતીય ઈંઝ અને ટેક પ્રોફેશનલ્સ પર પડી શકે છે.
ગ્રેગ સ્ટ્યૂબે અમેરિકાની રિપબ્લિકન પાર્ટીના નેતા છે અને જાન્યુઆરી 2019 થી ફ્લોરિડાના 17મા કોંગ્રેસનલ ડિસ્ટ્રિક્ટમાંથી સાંસદ છે.
119મી કોંગ્રેસ (202526) માં સ્ટ્યૂબે ઘણા હાઈ-પ્રોફાઈલ બિલ રજૂ કર્યા છે. જેમાં મહિલાઓની રમતોમાં ટ્રાન્સજેન્ડર ખેલાડીઓની ભાગીદારી રોકવા સંબંધિત બિલ, અમેરિકામાં વેધર મોડિફિકેશન પર પ્રતિબંધ મૂકતો એર ક્વોલિટી એક્ટ અને વોશિંગ્ટન મેટ્રો ઓથોરિટીનું નામ બદલવાનો પ્રસ્તાવ પણ સામેલ છે.
સ્ટ્યૂબે હાઉસ કમિટી ઓન વેઝ એન્ડ મીન્સના સભ્ય છે, જે ટેક્સ અને ટ્રેડ સંબંધિત મહત્વપૂર્ણ નિર્ણયો લે છે. સાથે જ જાન્યુઆરી 2025 થી તેઓ હાઉસ પરમેનન્ટ સિલેક્ટ કમિટી ઓન ઇન્ટેલિજન્સમાં પણ સામેલ છે.
રાજકારણમાં આવતા પહેલા તેઓ 2004 થી 2008 સુધી અમેરિકી સેનામાં સેવા આપી ચૂક્યા છે અને ઇરાકમાં ઓપરેશન ઇરાકી ફ્રીડમ દરમિયાન તૈનાત રહ્યા હતા.
અમેરિકી વિદેશ વિભાગે 15 ડિસેમ્બરથી ઇં-1ઇ અને તેનાથી સંબંધિત ઇં-4 વિઝા પર વધારાની તપાસ શરૂ કરી દીધી છે. આ અંતર્ગત વિઝા અરજદારોના સોશિયલ મીડિયા પ્રોફાઇલની પણ તપાસ કરવામાં આવી રહી છે.
આ ગાઇડલાઇન બાદ ભારતમાં ઇં-1ઇ વિઝા ઇન્ટરવ્યુ ટળી ગયા છે. ઘણા ઇન્ટરવ્યુ મહિનાઓ આગળ વધારી દેવામાં આવ્યા છે, જેના કારણે વિઝા સ્ટેમ્પિંગ માટે ભારત આવેલા ઘણા લોકો ફસાઈ ગયા છે.
ટ્રમ્પ સરકારે ગયા વર્ષે 21 સપ્ટેમ્બરથી ઇં-1ઇ વિઝા ફી વધારીને 1 લાખ ડોલર (લગભગ 88 લાખ રૂપિયા) કરી દીધી છે. વ્હાઇટ હાઉસ અનુસાર આ વધેલી ફી માત્ર વન ટાઈમ છે, જે અરજી કરતી વખતે ચૂકવવી પડશે.
ઇં-1ઇ વિઝા માટે પહેલાં 5.5 થી 6.7 લાખ રૂૂપિયા લાગતા હતા. તે 3 વર્ષ માટે માન્ય હતો. તેને ફરીથી ફી ચૂકવીને આગામી 3 વર્ષ માટે રિન્યુ કરી શકાતો હતો. એટલે કે અમેરિકામાં 6 વર્ષ રહેવા માટે ઇં-1ઇ વિઝાનો કુલ ખર્ચ 11 થી 13 લાખ રૂપિયાની આસપાસ થતો હતો.
બિલને પસાર થવા માટે લાંબી પ્રક્રિયામાંથી પસાર થવું પડશે
ઇં-1ઇ વિઝા સમાપ્ત કરવા સંબંધિત આ બિલ હાલમાં અમેરિકી સંસદના નીચલા ગૃહ હાઉસ ઓફ રિપ્રેઝન્ટેટિવ્સમાં રજૂ કરવામાં આવ્યું છે. હજુ સુધી તેના પર કોઈ ચર્ચા થઈ નથી કે મતદાન માટે કોઈ સમયમર્યાદા નક્કી કરવામાં આવી નથી. બિલને હવે સંબંધિત હાઉસ કમિટી પાસે મોકલવામાં આવશે. કમિટી નક્કી કરશે કે તેના પર ઔપચારિક સુનાવણી થશે કે નહીં. જો કમિટી દ્વારા બિલને મંજૂરી મળે છે, તો તેને હાઉસ ઓફ રિપ્રેઝન્ટેટિવ્સમાં ચર્ચા માટે લાવવામાં આવશે. ચર્ચા પછી ગૃહમાં તેના પર મતદાન થશે. હાઉસમાંથી પસાર થયા પછી, બિલ અમેરિકી સંસદના ઉપલા ગૃહ સેનેટમાં જશે. ત્યાં પણ આ જ રીતે ચર્ચા અને મતદાનની પ્રક્રિયા પૂર્ણ કરવી પડશે. સંસદના બંને ગૃહોમાંથી પસાર થયા પછી જ આ બિલ રાષ્ટ્રપતિ પાસે જશે. રાષ્ટ્રપતિના હસ્તાક્ષર પછી જ આ પ્રસ્તાવ કાયદાનું સ્વરૂપ લઈ શકશે.
