રાષ્ટ્રસેવા માટે તત્પર જાંબાઝ મહિલાઓ માટે રોજગારી સાથે દેશ સેવાની ઉત્તમ તક

થલસેનામાં જનરલ ડયુટી સોલ્જરની ૧૦૦ જગ્યાઓ પર ભરતી માટે ઓનલાઇન અરજીઓ મંગાવાઇ. 

હાલના સમયમાં દેશની મહિલાઓ દરેક ક્ષેત્રમાં પુરૂષોની સમકક્ષ કાર્ય કરી રહી છે. એટલું જ નહીં પણ સફળતા પણ મેળવી રહી છે.

રાષ્ટ્ર સેવા માટે તત્પર જાંબાઝ મહિલાઓ માટે આર્મી થલસેનામાં સોલ્જર જનરલ ડયુટી પદની ૧૦૦ જગ્યાઓ પર ભરતી માટે અરજીઓ મંગાવાઇ છે. ૧૭ ૧/૨ થી ૨૧ વર્ષની વયમર્યાદા તથા ૪૫% કે તેથી વધુ માર્કસ સાથે ધો.૧૦ પાસ ની લાયકાત ધરાવતી મહિલા ઉમેદવારો વેબસાઇટ www.joimindianarmy.nic.in પર તા.૨૦/૦૭/૨૦૨૧ સુધીમાં ઓનલાઇન અરજી કરી શકશે.

આ અંગે વધુ વિગત માટે રોજગાર કચેરીરાજકોટના ફેસબુક પેજ Employment Office Rajkot પરથી અથવા મદદનીશ નિયામક (રોજગાર)ની કચેરી, ૧/૩ બહુમાળી ભવન, રાજકોટનો રૂબરૂ અથવા ફોન નં- ૦૨૮૧-૨૪૪૦૪૧૯ ઉપર સંપર્ક કરવા મદદનિશ નિયામક (રોજગાર) રાજકોટની યાદીમાં જણાવાયું છે.