નવરાત્રીના નવ દિવસ વ્રત કર્યા બાદ પણ રહેશો એનર્જેટિક, ડાયેટને આ રીતે કરો પ્લાન

જે લોકો વજન ઘટાડવા માંગે છે તેઓ નવ દિવસ સુધી ઉપવાસ કરી શકે છે. આ નવ દિવસોમાં માતા દુર્ગા પ્રત્યે આસ્થા વધવાની સાથે વ્રત રાખવાથી શરીરની ઘણી સમસ્યાઓ પણ દૂર થઈ શકે છે.

નવરાત્રી શરૂ થવા જઈ રહી છે અને ઘણા લોકો શરીરને ડિટોક્સ કરવાનું વિચારી રહ્યા હશે. શરીરને ડિટોક્સ કરવા માટે ઉપવાસ વધુ સારો વિકલ્પ હોઈ શકે છે. જેઓ વજન ઘટાડવા માંગતા હોય તેઓ નવ દિવસ સુધી ઉપવાસ રાખી શકે છે. આ નવ દિવસોમાં માતા દુર્ગા પ્રત્યે આસ્થા વધવાની સાથે વ્રત રાખવાથી શરીરની ઘણી સમસ્યાઓ પણ દૂર થઈ શકે છે.

નવ દિવસ ઉપવાસ રાખવાનો અર્થ એ નથી કે શરીરને ભૂખ્યા રહીને ત્રાસ આપવો જોઈએ. પરંતુ તે વસ્તુઓને આહારમાં સામેલ કરવી જોઈએ, જેનાથી શરીરને પૂરતી ઉર્જા મળી શકે. ઉપરાંત ફેટ પણ બર્ન થઈ શકે છે. આવો જાણીએ નવરાત્રોમાં કેવી રીતે એનર્જેટિક ડાયટ પ્લાન બનાવી શકાય.

નાશ્તા સાથે કરો શરૂઆત
નવરાત્રોમાં શરીરને ઉર્જા આપવા માટે પહેલું મીલ બ્રેકફાસ્ટ એટલે કે નાસ્તો પોષક તત્વોથી ભરપૂર હોવો જોઈએ. નાસ્તામાં મિલ્ક શેકનું સેવન કરી શકાય છે. નવ દિવસ સુધી, તમે દરરોજ કેળા અથવા સફરજન જેવા ફળનો મિલ્કશેક પી શકો છો. તેને વધુ પૌષ્ટિક બનાવવા માટે ચિયાના સીડ્સ અને બદામ ઉમેરી શકાય છે. જો તમે ઈચ્છો તો તેની સાથે મખાના ખાઈ શકો છો.

બપોરનું ભોજન
બપોરનું ભોજન પૌષ્ટિક અને સ્વાદિષ્ટ હોવું જોઈએ. નવરાત્રીમાં લંચમાં પનીર, પાલક, બટેટા, ટામેટા અને દૂધીનું સ્ટાર ફ્રાઈ શાક ખાઈ શકો છો. આ સિવાય તમે ફ્રુટ રાયતા, સમક રાઇસ, સલાડ, બેકડ સાબુદાણા ટિક્કી અથવા શાક અને શિઘોડાના લોટની રોટલી પસંદ કરી શકો છો. તેને સ્વાદિષ્ટ બનાવવા માટે લીલા મરચાં અને કાળા મરીને મિક્સ કરી શકાય છે. તેની સાથે ફળોનો રસ પણ લઈ શકાય છે.

સાંજની ચા
ઘણા લોકો માટે સાંજની ચા લેવી જરૂરી હોય છે. સાંજની ચામાં ખાંડનો ઉપયોગ ન કરવો, શક્ય હોય તો થોડો ગોળ ઉમેરી શકાય. તેનાથી શરીરને ઈન્સ્ટન્ટ એનર્જી મળી શકે છે. શેકેલી મગફળી કે મખાનાને ચા સાથે લઈ શકાય.

રાત્રિ ભોજન
રાત્રિભોજન સિમ્પલ અને લાઈટ હોવું જોઈએ. રાત્રીના સમયે અખરોટનું દૂધ, પનીર ટિક્કા, શક્કરિયા ચાટ, શાક અને સલાડ, કોળું અને દૂધીનો સૂપ અથવા સ્મૂધીનું રાત્રે સેવન કરી શકાય છે. રાત્રે વધારે ઉર્જાની જરૂર પડતી નથી તેથી ઓછી કેલરીવાળો ખોરાક લેવો ફાયદાકારક બની શકે છે.