ઇલોન મસ્ક: 77 લાખ કરોડની સંપત્તિ સાથે ઇતિહાસના સૌથી અમીર વ્યક્તિ

SpaceX અને xAI ના મર્જરથી નેટવર્થમાં અધધ વધારો: પાકિસ્તાન-બાંગ્લાદેશ જેવા દેશોની GDPને પણ પાછળ છોડી

ખાસ-ખબર ન્યૂઝ વોશિંગ્ટન, તા.5

દુનિયાના સૌથી અમીર વ્યક્તિ ઇલોન મસ્કની કુલ સંપત્તિ હવે 850 બિલિયન ડોલર એટલે કે લગભગ 77 લાખ કરોડ રૂપિયાનો આંકડો પાર કરી ગઈ છે. ફોર્બ્સના અહેવાલ અનુસાર, મસ્ક હવે ઇતિહાસના સૌથી શક્તિશાળી અને ધનિક વ્યક્તિ બની ગયા છે. તેમની નેટવર્થમાં આ આશ્ર્ચર્યજનક ઉછાળો તેમની રોકેટ બનાવતી કંપની જાફભયડ અને આર્ટિફિશિયલ ઇન્ટેલિજન્સ સ્ટાર્ટઅપ ડ્ઢઅઈં ના વિલિનીકરણને કારણે આવ્યો છે, જેનાથી માત્ર એક જ દિવસમાં તેમની સંપત્તિમાં 84 બિલિયન ડોલરનો વધારો નોંધાયો છે.
સ્પેસએક્સ દ્વારા ડ્ઢઅઈં ને ખરીદી લેતા હવે આ બંને સંસ્થાઓ એક જ મોટી કંપની બની ગઈ છે, જેનું કુલ મૂલ્યાંકન 1.25 ટ્રિલિયન ડોલર (આશરે 104 લાખ કરોડ રૂૂપિયા) આંકવામાં આવ્યું છે. આ મર્જર પહેલા મસ્ક પાસે સ્પેસએક્સમાં 42% અને ડ્ઢઅઈં માં 49% હિસ્સેદારી હતી, પરંતુ નવી સંયુક્ત કંપનીમાં હવે તેમની 43% હિસ્સેદારી છે જેની એકલી વેલ્યુ 542 બિલિયન ડોલર થાય છે. આ વ્યૂહાત્મક પગલાથી તેમની સંપત્તિમાં 84 બિલિયન ડોલરનો સીધો ઉમેરો થયો છે.
છેલ્લા ચાર મહિનામાં મસ્કે આર્થિક જગતમાં અનેક રેકોર્ડ તોડ્યા છે. ઓક્ટોબર 2025માં તેઓ 500 બિલિયન ડોલર સુધી પહોંચ્યા હતા, જ્યારે ડિસેમ્બરના મધ્યમાં સ્પેસએક્સના વધતા મૂલ્યને કારણે તેઓ 600 બિલિયન ડોલરનો આંક વટાવી ગયા હતા. ત્યારબાદ 19 ડિસેમ્બરે કોર્ટ દ્વારા ટેસ્લા સ્ટોક વિકલ્પો પુન:સ્થાપિત થતા તેઓ 700 બિલિયન ક્લબમાં સામેલ થનારા એકમાત્ર વ્યક્તિ બન્યા અને હવે જાન્યુઆરી 2026માં મર્જરના કારણે તેમની સંપત્તિ 850 બિલિયન ડોલર પર પહોંચી છે.
મસ્કની આ અઢળક સંપત્તિ હવે પાકિસ્તાન, શ્રીલંકા, બાંગ્લાદેશ અને નેપાળના સંયુક્ત જીડીપી (ૠઉઙ) કરતા પણ વધી ગઈ છે. ભારતની ટોચની 40 ધનિક વ્યક્તિઓની કુલ મિલકત પણ મસ્કની નેટવર્થ સામે ઓછી જણાય છે. વર્તમાન સમયમાં દુનિયાના બીજા સૌથી અમીર વ્યક્તિ લેરી પેજ અને ઇલોન મસ્ક વચ્ચેનું અંતર 578 બિલિયન ડોલર જેટલું વિશાળ છે. જે રીતે મસ્કની સંપત્તિમાં માત્ર 4 મહિનામાં 70% નો વધારો થયો છે, તે જોતા તેઓ ટૂંક સમયમાં વિશ્ર્વના પ્રથમ ’ટ્રિલિયનેયર’ બનીને નવો ઇતિહાસ રચે તેવી પૂરી શક્યતા છે.

ઇલોન મસ્કનું બિઝનેસ સામ્રાજ્ય: ટેસ્લા, સ્પેસએક્સ અને ન્યુરાલિંકની સફળતા ગાથા

ઇલોન મસ્કે ટેસ્લા, સ્પેસએક્સ અને ન્યુરાલિંક જેવી ક્રાંતિકારી કંપનીઓ દ્વારા વિશ્ર્વમાં પોતાની એક અલગ ઓળખ ઉભી કરી છે. ટેસ્લાની વાત કરીએ તો, તેની સ્થાપના મૂળ 2003માં માર્ટિન એબરહાર્ડ અને માર્ક ટાર્પેનિંગ દ્વારા કરવામાં આવી હતી. ઇલોન મસ્ક આ કંપનીના શરૂઆતી રોકાણકારોમાંના એક હતા અને ફેબ્રુઆરી 2004માં તેમણે મોટું રોકાણ કર્યા બાદ તેઓ કંપનીના ચેરમેન અને પછી ઈઊઘ બન્યા હતા. ટેસ્લાનો મુખ્ય ઉદ્દેશ્ર્ય ઇલેક્ટ્રિક વાહનોને સામાન્ય લોકો સુધી પહોંચાડવાનો અને ટકાઉ ઊર્જાના સ્ત્રોતોને પ્રોત્સાહન આપી પર્યાવરણને બચાવવાનો રહ્યો છે. અવકાશ વિજ્ઞાનના ક્ષેત્રમાં મસ્કે માર્ચ 2002માં સ્પેસએક્સ (જાફભયડ)ની શરૂઆત કરી હતી. તેમનું મુખ્ય સ્વપ્ન અવકાશ પ્રક્ષેપણનો ખર્ચ ઘટાડવાનો અને મંગળ ગ્રહ પર માનવ વસાહત સ્થાપવાનું છે. સ્પેસએક્સે વર્ષ 2008માં પોતાનું પ્રથમ સફળ રોકેટ ‘ફાલ્કન 1’ લોન્ચ કરીને ઇતિહાસ રચ્યો હતો અને ત્યારબાદ 2012માં તેનું ડ્રેગન કેપ્સ્યુલ ઇન્ટરનેશનલ સ્પેસ સ્ટેશન સાથે જોડાઈને મોટી સફળતા હાંસલ કરી હતી. ટેકનોલોજી અને વિજ્ઞાનના સમન્વય માટે મસ્કે 2016માં ન્યુરાલિંકની સ્થાપના કરી હતી. આ કંપનીનો મુખ્ય હેતુ માનવ મગજ અને કમ્પ્યુટરને સીધું જોડતી ‘બ્રેન-મશીન ઇન્ટરફેસ’ ટેકનોલોજી વિકસાવવાનો છે. ન્યુરાલિંકનો દ્રષ્ટિકોણ ન્યુરોલોજીકલ રોગોનો સચોટ ઇલાજ કરવાનો અને ભવિષ્યમાં મનુષ્યોને આર્ટિફિશિયલ ઇન્ટેલિજન્સ સાથે વધુ કાર્યક્ષમ રીતે જોડવાનો છે, જેથી માનવ ક્ષમતાઓમાં અપાર વધારો થઈ શકે.