આજથી નિયમ લાગુ, સાઇટ પર પ્રોજેક્ટની માહિતીનું બેનર ચછ કોડ સાથે લગાવવું ફરિજયાત

સફેદ કે પીળા બોર્ડમાં રેરા રજિસ્ટ્રેનશન-બેંક ખાતાની વિગત લાલ રંગથી લખવી જરૂરી: પ્રોજેક્ટના સ્થળે તમામ માહિતીનાં બોર્ડ-બેનર લગાવવાં છઊછઅનો હુકમ

ખાસ-ખબર ન્યૂઝ અમદાવાદ

રાજ્યમાં કોઈપણ વ્યક્તિ જો મકાન અને દુકાન જેવી મિલકત ખરીદવા માગતી હોય તો બાંધકામ સાઈટના પ્રોજેક્ટની માહિતી ગુજરાત રિયલ એસ્ટેટ રેગ્યુલેટરી ઓથોરિટી (છઊછઅ)ની વેબસાઈટ પરથી મેળવવી પડે છે. મકાન કે દુકાન સહિતની મિલકત ખરીદવા આવનારા નાગરિકોને પ્રોજેક્ટના બાંધકામની માહિતી મળી રહે એે માટે હવે ફરજિયાત દરેક બાંધકામ સાઈટ પર ડેવલપર-બિલ્ડર દ્વારા પ્રોજેક્ટને લગતી તમામ માહિતીનું બેનર બોર્ડ ચછ કોડ સાથે લગાવવાનું રહેશે. જો કોઈપણ બિલ્ડર કે ડેવલપર આ નિયમનું પાલન નહીં કરે તો તેને દંડ કરવામાં આવશે. આજે 1 ડિસેમ્બરથી આ નિયમ લાગુ કરવામાં આવ્યો છે.
કોઇપણ પ્રોજેક્ટના એલોટી કે સંભવિત ગ્રાહકને પ્રોજેક્ટ સંબંધી માહિતી રેરાની વેબસાઈટ પર ફક્ત પ્રોજેક્ટનો રેરા રજિસ્ટ્રેશન નંબર મારફત ઉપલબ્ધ થાય છે. નાગરિકો આ કાર્યપદ્ધતિથી અજાણ હોય છે અને પરિણામે તેમને ચોક્કસ માહિતી મળી શકતી નથી. જાહેર જનતાને પ્રોજેક્ટને લગતી વિગતો, જેવી કે રેરા રજિસ્ટ્રેશનની વિગતો, પ્રોજેક્ટના બાંધકામની વિગતો. પ્રોજેક્ટના સ્પેસિફિકેશન, એમેનીટીઝની વિગતો, રેરા કલેક્શન બેંક એકાઉન્ટની વિગતો તથા પ્રોજેક્ટ લોનની વિગતો પ્રોજેક્ટના સ્થળે જ સહેલાઇથી ઉપલબ્ધ થાય એ માટે પ્રોજેક્ટના સ્થળે તમામ માહિતીનાં બોર્ડ, બેનર લગાવવાં છઊછઅ દ્વારા હુકમ કરવામાં આવ્યો છે.
વોટરપ્રૂફ મટીરિયલના રાખવાના રહેશે અને એનું બેકગ્રાઉન્ડ સફેદ અથવા પીળા રંગનું રાખવાનું રહેશે. બેનરમાં દર્શાવેલી વિગતોના અક્ષરની લઘુતમ ઊંચાઈ 2.50 સે.મી. રાખવાની રહેશે અને અક્ષરના રંગ નમૂનામાં દર્શાવ્યા અનુસાર જ રાખવાના રહેશે. રેરા રજિસ્ટ્રેશન નંબર તથા પ્રોજેક્ટના રેરા કલેક્શન બેંક એકાઉન્ટની વિગતો લાલ રંગથી દર્શાવવાની રહેશે. ચછ કોડ લઘુતમ 15 સે.મી. ડ્ઢ 15 સે.મી.નો તથા મોબાઇલ ફોન વડે સરળતાથી સ્કેન કરી શકાય એવી રીતે સ્પષ્ટ દર્શાવવાનો રહેશે.

બોર્ડ અથવા બેનરની લઘુત્તમ પહોળાઈ 1.20 મી. લઘુતમ ઊંચાઈ 2 મી. રાખવાની રહેશે

રાજ્યમાં રેરા રજિસ્ટર્ડ તમામ કાર્યરત પ્રોજેક્ટ માટે, ધ ગુજરાત રિયલ એસ્ટેટ રેગ્યુલેટરી ઓથોરિટી (જનરલ) રેગ્યુલેશન્સ 2017ના રેગ્યુલેશન-5માં દર્શાવેલા દસ્તાવેજો, જેવા કે જવાબદાર તંત્ર પાસે મંજૂર કરાવવામાં આવેલા પ્લાન અને એનો લેઆઉટ સહિતની વિગતો બોર્ડ અથવા બેનર તેમજ ડિસ્પ્લે મારફત પ્રોજેક્ટના સાઈડ પર લગાવવાની રહેશે. બોર્ડ અથવા બેનરની લઘુતમ પહોળાઇ 1.20 મી. તથા લઘુતમ ઊંચાઈ 2 મી. રાખવાની રહેશે. પ્રોજેક્ટના મુખ્ય પ્રવેશ પાસે અથવા મુખ્ય રસ્તા ઉપરથી જોઇ શકાય એે રીતે જમીનથી 1.50મી.થી 2 મી. ઊંચાઈએ મૂકવાનું રહેશે.
દર ત્રણ મહિને રિપોર્ટ અપલોડ કરવાનો રહેશે

પ્રોજેક્ટના સ્થળે પ્રદર્શિત કરેલ બોર્ડ / બેનર/ હોર્ડિંગ / ડિજિટલ ડિસ્પ્લેનો ફોટોગ્રાફ, આ હુકમ પ્રસિદ્ધ થયા બાદ ભરવાના થતા તમામ ત્રિમાસિક પ્રગતિ અહેવાલ (ઘઙછ)માં અચૂક રજૂ (ઞાહજ્ઞફમ) કરવાનો રહેશે. આ ફોટોગ્રાફ જિયો ટેગવાળો ફોટો હોવો જરૂરી છે અને ફોટોગ્રાફમાં કફશિિીંંમય અને કજ્ઞક્ષલશિીંમય દર્શાવેલા હોવા જરૂરી છે. આ હુકમનું પાલન કરવામાં નિષ્ફળ જનારા ડેવલપર કે બિલ્ડરને દંડ ફટકારવામાં આવશે. જે પ્રોજેક્ટનું પ્રોજેક્ટ એન્ડ કમ્પલાયન્સ (ચઊ) રેરા ઓથોરીટીની વેબસાઈટ પર અપલોડ કરી દેવામાં આવેલુું છે અને જેનું વેરિફિકેશન થઇ ચૂકેલું છે. એેવા પ્રોજેક્ટ માટે ઉપર દર્શાવ્યા મુજબ બોર્ડ / બેનર/હોર્ડિંગ / ડિજિટલ ડિસ્પ્લે પ્રસિદ્ધ કરવાની જરૂરત રહેશે નહીં.