ઓક્ટાએફએક્સ ફોરેક્સ-ટ્રેડિંગ પ્લેટફોર્મ દ્વારા ઊંચા વળતરનું ખોટું વચન આપીને રોકાણકારો સાથે છેતરપિંડી કરવાના આરોપસર પુણે પોલીસે અનેક વ્યક્તિઓ સામે કેસ દાખલ કર્યો હતો, જેના આધારે EDની તપાસ શરૂ થઈ છે.
એન્ફોર્સમેન્ટ ડિરેક્ટોરેટ (ED) એ ફ્રોડ ફોરેક્સ-ટ્રેડિંગ પ્લેટફોર્મ – OctaFX – વિરુદ્ધની તપાસમાં મની લોન્ડરિંગ પ્રિવેન્શન એક્ટ (PMLA) હેઠળ સ્પેનમાં ₹131 કરોડની એક લક્ઝરી યાટ, બે ઘરો અને અન્ય સંપત્તિઓ જપ્ત કરી છે, જેણે કથિત રીતે અસંખ્ય રોકાણકારો સાથે છેતરપિંડી કરી હતી, એમ એજન્સીએ ગુરુવારે જણાવ્યું હતું.
- Advertisement -
અનેક રોકાણકારો સાથે છેતરપિંડી આચરવા બદલ નકલી ફોરેક્સ ટ્રેડિંગ પ્લેટફોર્મ સામેના કેસમાં એન્ટી મની લોન્ડરિંગ કાયદા હેઠળ ઇડીએ સ્પેનમાં એક યાટ, એક હોડી, બે મકાનો અને અન્ય સંપત્તિ ટાંચમાં લીધી છે જેનું કૂલ મૂલ્ય 131 કરોડ રૂપિયાનું વધુ આંકવામાં આવ્યું છે.
આ પ્લેટફોર્મનું નામ ઓક્ટાએફએક્સ છે. ફેડરલ તપાસ એજન્સીએ એક નિવેદનમાં જણાવ્યું છે કે ટાંચમાં લેવામાં આવેલી આ સંપત્તિઓ પવેલ પ્રોઝોરોવની છે. જે ઓક્ટાએફએક્સ પાછળનો માસ્ટરમાઇન્ડ છે.
પ્રિવેન્શન ઓફ મની લોન્ડરિંગ એક્ટ (પીએમએલએ) હેઠળ પ્રોવિઝનલ ઓર્ડર જારી કરીને સ્પેનમાં વૈભવી યાટ, મિનિજેટ બોટ, મોંઘી કાર અને બે રેસિડેન્સિયલ પ્રોપર્ટી ટાંચમાં લેવામાં આવી છ. આ મિલકતોની કુલ કીંમત ૧૩૧ કરોડ રૂપિયા આંકવામાં આવી છે. પુણેના શિવાજી નગર પોલીસ સ્ટેશનમાં દાખલ કરવામાં આવેલી એફઆઇઆરને આધારે ઇડીએ મની લોન્ડરિંગનો કેસ દાખલ કર્યો હતો. આ એફઆઇઆરમાં કેટલાક લોકો પર ઓક્ટાએફએક્સ ફોરેક્સ ટ્રેડિંગ પ્લેટફોર્મ દ્વારા ઉંચુ વળતર આપવાનું ખોટું વચન આપીને રોકાણકારો સાથે છેતરપિંડી આચરવાનો આરોપ મૂકવામાં આવ્યો હતો.
- Advertisement -
ઇડીના જણાવ્યા અનુસાર ઓક્ટાએફએક્સ એક બિન સત્તાવાર ફોરેક્સ બ્રોકર હતું. નકલી ઇ કોમર્સ કંપનીઓના નામે રોકાણકારોના નાણા મ્યૂલ એકાઉન્ટથી એકત્રિત કરવામાં આવતા હતાં.
