ન્યૂઝીલેન્ડની ધરા ભૂકંપથી ધ્રુજી ઉઠી: રિક્ટર સ્કેલ પર 7.2ની તીવ્રતા નોંધાય

ભારતીય સમય અનુસાર આજે સવારે 6.11 કલાકે ભૂકંપના આંચકા અનુભવાયા, નેશનલ સેન્ટર ફોર સિસ્મોલોજી અનુસાર રિક્ટર સ્કેલ પર ભૂકંપની તીવ્રતા 7.2 માપવામાં આવી

ન્યુઝીલેન્ડમાં આજે સવારે જોરદાર ભૂકંપ આવ્યો હોવાનું સામે આવ્યું છે. વાત જાણે એમ છે કે, નેશનલ સેન્ટર ફોર સિસ્મોલોજી અનુસાર રિક્ટર સ્કેલ પર ભૂકંપની તીવ્રતા 7.2 માપવામાં આવી છે. ભારતીય સમય અનુસાર આજે સવારે 6.11 કલાકે ભૂકંપના આંચકા અનુભવાયા છે. આ ભૂકંપ ન્યુઝીલેન્ડના કર્માડેક ટાપુઓ પર આવ્યો હતો.

An earthquake of magnitude 7.2 occurred at 06:11 am IST near Kermadec Islands, New Zealand: National Center for Seismology pic.twitter.com/G9Ojap5akb

— ANI (@ANI) April 24, 2023

NCS મુજબ, તેનું કેન્દ્ર જમીનની નીચે 10 કિલોમીટરની ઊંડાઈ પર હતું. ભૂકંપ બાદ સુનામીની ચેતવણી જારી કરવામાં આવી છે. આ તરફ યુએસજીએસ અનુસાર આ ભૂકંપના લગભગ 20 મિનિટ પછી એટલે કે 6:53 વાગ્યે કર્માડેક ટાપુએ જ ફરીથી ભૂકંપનો અનુભવ થયો છે. આ ભૂકંપની તીવ્રતા રિક્ટર સ્કેલ પર 5.4 માપવામાં આવી હતી. આ ભૂકંપનું કેન્દ્ર જમીનની અંદર 39 કિલોમીટર ઊંડે હતું.

Earthquake of magnitude 7.2 jolts New Zealand

Read @ANI Story | https://t.co/ej9uMvkTff#Earthquake #NewZealand #KermadecIslands #NationalCenterforSeismology #NCS pic.twitter.com/9cphNL3iLJ

— ANI Digital (@ani_digital) April 24, 2023

ન્યુઝીલેન્ડના કર્માડેક ટાપુઓ ભૂકંપનું કેન્દ્ર રહે છે. ગયા મહિને ન્યુઝીલેન્ડમાં પણ ભૂકંપના આંચકા અનુભવાયા હતા. 16 માર્ચે અહીં આવેલા ભૂકંપની તીવ્રતા 7.0 માપવામાં આવી હતી. ચાઇના અર્થક્વેક નેટવર્ક સેન્ટર (CENC) અનુસાર આ ભૂકંપ ન્યુઝીલેન્ડમાં ચીનના સમય મુજબ રાત્રે 8.56 કલાકે આવ્યો હતો.