દુબઈના ક્રાઉન પ્રિન્સ શેખ હમદાનના ઘરે દીકરીનો જન્મ થયો છે. તેમણે સોશિયલ મીડિયા પોસ્ટ દ્વારા આ માહિતી આપી છે. ખાસ વાત એ છે કે તેમણે પોતાની દીકરીનું નામ ‘હિન્દ’ રાખ્યું છે. આ પહેલા શાહી દંપતીને બે દીકરા અને એક દીકરી પણ છે. હમદાન 2008થી દુબઈના ક્રાઉન પ્રિન્સ છે. આ સાથે જ તેઓ સંયુક્ત આરબ અમીરાતના નાયબ વડાપ્રધાન અને સંરક્ષણ મંત્રી પણ છે.
માતાના સન્માનમાં દીકરીનું નામ ‘હિન્દ’ રાખ્યું
- Advertisement -
મીડિયા અહેવાલ પ્રમાણે શેખ હમદાને પોતાની માતા શેખા હિન્દ બિંત મક્તૂમ બિન જુમા અલ મક્તૂમના સન્માનમાં પોતાની દીકરીનું નામ ‘હિન્દ’ રાખ્યું છે. શેખ હમદાન દુબઈના શાસક શેખ મોહમ્મદ બિન રાશિદ અલ મક્તૂમ અને શેખા હિન્દ બિંત મક્તૂમ બિન જુમા અલ મક્તૂમના બીજા પુત્ર છે.
શેખ હમદાન સોશિયલ મીડિયા પર ખૂબ એક્ટિવ
શેખ હમદાન સોશિયલ મીડિયા પર પણ ખૂબ જ એક્ટિવ રહે છે. ઈન્સ્ટાગ્રામ પર તેમના ફોલોઅર્સની સંખ્યા લગભગ 17 મિલિયન છે. તેઓ @faz3 હેન્ડલ પર પોસ્ટ દ્વારા પોતાના જીવનની ઝલક શેર કરતા રહે છે.
- Advertisement -
શેખ હમદાને 2019માં શેખા બિંત સઈદ બિન થાની અલ મક્તૂમ સાથે લગ્ન કર્યા હતા. શેખા દુબઈના શાસક પરિવાર અલ મક્તૂમ પરિવારથી છે. શાહી જીવન જીવવા છતાં તેઓ લાઈમલાઈટથી દૂર રહે છે. દીકરીના જન્મ પહેલાં શાહી દંપતીને બે દીકરા અને એક દીકરી છે. મે 2021માં જોડિયા બાળકો શેખા અને રાશિદનો જન્મ થયો હતો. બીજી તરફ ફેબ્રુઆરી 2023માં એક પુત્રનો જન્મ થયો, જેનું નામ મોહમ્મદ બિન હમદાન બિન મોહમ્મદ અલ મક્તૂમ રાખવામાં આવ્યું હતું.
