ખાસ-ખબર સંવાદદાતા
ટિવટરના માલિક ઇલોન મસ્કે અમેરિકાના પૂર્વ રાષ્ટ્રપતિ ડોનાલ્ડ ટ્રમ્પને લઈને મોટી જાહેરાત કરી છે. મસ્કે મંગળવારે કહ્યું કે તે ટ્રમ્પના ટિવટર એકાઉન્ટ પરનો પ્રતિબંધ હટાવી લેશે.
ગયા મહિને ટ્રમ્પને ટાંકીને એક નિવેદન આવ્યું હતું કે જો એકાઉન્ટ પરથી પ્રતિબંધ હટાવવામાં આવશે તો પણ તેઓ ટિવટર પર પાછા નહીં ફરે.
ટ્રમ્પે કહ્યું હતું કે તેઓ હવે ફક્ત તેમના ટ્રુથ સોશિયલનો ઉપયોગ કરશે. મસ્કે કહ્યું કે ટ્રમ્પના એકાઉન્ટ પર પ્રતિબંધ લગાવવામાં ટિવટર સંપૂર્ણપણે મૂર્ખ છે. પ્રતિબંધ માટે ખૂબ નક્કર કારણો હોવા જોઈએ. મસ્કે કહ્યું કે હું ટિવટરના નિર્ણયને પલટાવવા જઈ રહ્યો છું. તેઓ મંગળવારે એક કોન્ફરન્સને સંબોધિત કરી રહ્યા હતા.