ડોલી ચાયવાલાની ચા પીવાના બિલ ગેટ્સ થયા દીવાના: ચાની ચૂસ્કી લેતા રીલ બનાવી

• બિલ ગેટ્સે પોતાના સોશિયલ મીડિયા હેન્ડલ પર વીડિયો શેર કર્યો 

દરેકના મનમાં એક જ પ્રશ્ન છે કે બિલ ગેટ્સ જે ચા વાળાના ચાની ચુસ્કી માણતા જોવા મળ્યા એ છે કોણ? આ ચા વેચનારનું નામ છે ડોલી ચાયવાલા, જે હવે લોકોમાં ચર્ચાનો વિષય બની ગયો છે.

માઈક્રોસોફ્ટના સ્થાપક અને વિશ્વના સૌથી અમીર લોકોની યાદીમાં સામેલ બિલ ગેટ્સ આ દિવસોમાં ભારતમાં છે. હાલમાં જ તેણે તેના સોશિયલ મીડિયા હેન્ડલ પર એક વીડિયો શેર કર્યો છે. આમાં તે મહારાષ્ટ્રના નાગપુરમાં એક ચા વેચનારને કહે છે, ‘એક ચા પ્લીઝ’. આ પછી ચા વેચનાર તેમને સ્ટાઇલમાં ગરમ ​​ચા આપે છે. આ પછી બિલ ગેટ્સ ચાની ચુસ્કી માણતા જોવા મળે છે. બિલ ગેટ્સનો આ વીડિયો સોશિયલ મીડિયા પર વાયરલ થઈ રહ્યો છે.

દરેકના મનમાં એક જ પ્રશ્ન છે કે આ કોણ છે? તો અમે તમને જણાવી દઈએ કે આ ચા વેચનારનું નામ છે ડોલી ચાયવાલા, જે હવે લોકોમાં ચર્ચાનો વિષય બની ગયો છે. ડોલી ચાયવાલા અવારનવાર પોતાની અનોખી સ્ટાઈલને કારણે સોશિયલ મીડિયા પર વાયરલ થતો રહે છે અને તે નાગપુરના સદર વિસ્તારમાં ચા વેચે છે.

#WATCH | Nagpur (Maharashtra): Microsoft Co-founder Bill Gates posted a video, in which he can be seen enjoying Dolly's tea.

Dolly Chaiwala says, "I was not aware at all I thought that he was a guy from a foreign country so I should serve him tea. The next day when I came back… pic.twitter.com/hicI3vY31y

- Advertisement -

— ANI (@ANI) February 29, 2024

ડોલી ચાયવાલાનો સ્વેગ અને સ્ટાઇલ

ડોલી ચાયવાલા ઉર્ફે સેલિબ્રિટી ચાયવાલા સ્વેગ અને સ્ટાઇલથી ભરપૂર છે. તેની ચા બનાવીને આપવાની રીત ઘણી અલગ છે અને તેના સ્ટાઇલિશ લુક માટે લોકો તેને દેશી જોની ડેપ પણ કહે છે. ડોલી ચાયવાલા TikTok દ્વારા ફેમસ થયો હો અને હવે ઘણા લોકો તેની સ્ટાઈલ વિશે ચર્ચા કરે છે. તે ટ્રેન્ડી કપડાં પહેરે છે, અલગ હેરસ્ટાઇલ અને સનગ્લાસ પહેરીને ખૂબ જ સ્ટાઇલિશ રીતે ચા પીરસે છે. સ્થાનિક લોકો અને ફૂડ બ્લોગર્સ તેના ફેન્સી લુક અને ચા પર ઘણા વિડીયો બનાવી ચૂક્યા છે.

ડોલી ચાયવાલાની કુલ સંપત્તિ આટલી છે
મહારાષ્ટ્રના નાગપુરનમાં ડોલી ચાયવાલા એક અલગ જ ઓળખ ધરાવે છે. આ વ્યક્તિએ 10મા ધોરણ પછી અભ્યાસ છોડી દીધો હતો અને છેલ્લા 16 વર્ષથી નાગપુરના સિવિલ લાઈન્સ પાસે ચાની દુકાન ચલાવે છે. જે પણ ડોલીના ટી સ્ટોલ પર ચા પીવા આવે છે તે તેની સ્ટાઈલ અને સ્વાદ બંનેના ચાહક બની જાય છે.
ડોલી ચાયવાલા તેના આ નાના ટી સ્ટોલમાંથી સારી કમાણી કરે છે. એક રિપોર્ટ અનુસાર ડોલીની કુલ સંપત્તિ 10 લાખ રૂપિયાની આસપાસ છે. આ સાથે જ તેની દુકાને બીજા ઘણા મોટા અભિનેતા અને અભિનેત્રીઓ પણ આવી ચૂક્યા છે. હાલ સોશિયલ મીડિયા પર ડોલી ચાયવાલા વિશે ઘણી ચર્ચા થઈ રહી છે.