દેશભરમાં આજે ધનતેરસનો તહેવાર ઉજવવામાં આવી રહ્યો છે. આજે દેવી દેવતાઓની ઉપાસના કરવાની સાથે સાથે માતા લક્ષ્મીને સમર્પિત ધનતેરસની કથા સાંભળવી શુભ માનવામાં આવે છે.
ધનતેરસનો પર્વ દર વર્ષે કાર્તક મહિનામાં આવનાર કૃષ્ણ પક્ષની ત્રયોદશી તિથિએ ઉજવવામાં આવે છે. વૈદિક પંચાંગ અનુસાર આ વખતે ધનતેરસનો પર્વ આજે એટલે કે 29 ઓક્ટોબર 2024એ ઉજવવામાં આવી રહ્યો છે. આજે ધનની દેવી માતા લક્ષ્મી, ધનના દેવતા કુબેરજી અને આયુર્વેદના દેવતા ધન્વંતરી ભગવાવની પૂજા કરવામાં આવે છે. સાથે જ સોના-ચાંદીના આભુષણ, કપડા અને વાસણ વગેરેની ખરીદી કરવી પણ શુભ માનવામાં આવે છે.
- Advertisement -
ધનતેરસ પર સાંભળો કથા
ધનતેરસ પર માતા લક્ષ્મીને સમર્પિત એક કથા સાંભળવી વાંચવી ખૂબ જ જરૂરી છે. ધાર્મિક માન્યતાઓ અનુસાર આ દિવસે જો કોઈ વ્યક્તિ સાચ્ચા મનથી માતા લક્ષ્મીની કથાનો પાઠ કરશે તો તેનું ઘર સદા ખુશીઓથી અને પૈસાથી ભરાયેલું રહે છે.
માતા લક્ષ્મીને પ્રસન્ન કરતી કથા
- Advertisement -
પૌરાણિક કથાઓ અનુસાર એક વખત ભગવાન વિષ્ણુજી અને માતા લક્ષ્મી પૃથ્વી લોક પર ભ્રમણ કરવા માટે આવ્યા હતા. આ વચ્ચે વિષ્ણુજીને કંઈક કામ યાદ આવી ગયું. જેના બાદ તે દક્ષિણ દિશાની તરફ જતા રહ્યા. માતા લક્ષ્મી ત્યાં રોકાઈને વિષ્ણુજીની રાહ જોઈ રહ્યા હતા. ઘણી વાર થઈ ગઈ પરંતુ વિષ્ણુજી ન આવ્યા. જેના બાદ માતા લક્ષ્મી પણ તે રસ્તા પર આગળ વધ્યા. થોડુ ચાલ્યા બાદ તેમને શેરડીના ખેતર જોવા મળ્યા. તેમને ખૂબ જ ભૂખ લાગી હતી તો તેમણે શેરખી તોડીને ખાધી.
માતા લક્ષ્મીને શેરડી ખાતા જોઈને ભગવાન વિષ્ણુ ક્રોધિત થયા અને તેમણે માતાજીને શ્રાપ આપતા કહ્યું, તમે જે ખેડૂતના ખેતરની શેરડી તોડીને ખાધી છે. તેમનો ભાર ઉતારવા માટે તમારે તે ખેડૂતની 12 વર્ષ સેવા કરવી પડશે. સતત 12 વર્ષ સુધી માતા લક્ષ્મીએ તે ખેડૂતની સેવા કરી.
12 વર્ષ બાદ વિષ્ણુજી માતા લક્ષ્મીને લેવા આવ્યા તો તેમણે ખેડૂતને દરવાજા પર જ રોકી લીધો. વિષ્ણુજીએ ખેડૂત અને તેના આખા પરિવારને ગંગા સ્નાન અને કોડિયોને ગંગામાં અર્પિત કરવાનો ઉપાય જણાવ્યો. ખેડૂત આ ઉપાય માટે ઘાટ જઈ રહ્યો હતો કે વચ્ચે માતા ગંગા તેમને મળ્યા અને ખેડૂતને જણાવ્યું કે તમારા ઘરમાં માતા લક્ષ્મી રહેતા હતા હવે તે પરત જઈ રહ્યા છે.
ખેડૂત પરત ફર્યો તો તેણે વિષ્ણુ ભગવાન અને માતા લક્ષ્મીને ન જવા માટે કહ્યું. ત્યારે દેવી-દેવતાઓએ તેમને શ્રાપ વિશે જણાવ્યું. તેમણે જણાવ્યું કે તમે ઈચ્છો તો હું સદા તમારા ઘરે રહી શકુ છું. તો તમે ધનતેરસ પર મારી પૂજા કરો અને વ્રત કરો. ખેડૂત દર વર્ષે નિષ્ઠાની સાથે ધનતેરસનું વ્રત કરવાની સાથે દેવીની પૂજા કરતો હતો. જેના બાદ તેણે ક્યારેય પૈસાની કમીન આવી.
ધાર્મિક માન્યતાઓ અનુસાર જે લોકો સાચ્ચા મનથી દર વર્ષે ધનતેરસ પર આ કથાને વાંચે છે તેમના જીવનમાં ક્યારેય પણ પૈસાની કમી નથી થતી. સાથે જ ઘર પરિવારમાં સુખ-શાંતિનો વાસ થાય છે.
