ખાસ-ખબર ન્યૂઝ સોમનાથ, તા.14
ગીર સોમનાથ જિલ્લા કલેક્ટર દિગ્વિજયસિંહ જાડેજાએ જિલ્લા સેવા સદન ખાતે સફાઈ કર્મચારીના આશ્રિત સંતાનોને ગુજરાત માધ્યમિક શિક્ષણ બોર્ડની પરિક્ષામાં ઝળહળતી સફળતા મેળવવા બદલ બીરદાવ્યાં હતાં.
કલેક્ટરએ બોર્ડની પરીક્ષામાં અવ્વલ પરિણામ બદલ વિદ્યાર્થીનીઓને ગુજરાત સફાઈ કામદાર વિકાસ નિગમ, ગાંધીનગર દ્વારા અપાયેલા પ્રમાણપત્ર અને ચેક અર્પણ કરી બન્ને વિદ્યાર્થીનીઓ ભવિષ્યમાં ઉચ્ચ અભ્યાસ કરી અને કારકિર્દીમાં જ્વલંત સફળતા મેળવે એવી શુભકામનાઓ પાઠવી હતી. કલેક્ટરએ વિદ્યાર્થીની ઉર્વશી બેરડિયા તેમજ હેત્વી સોલંકીને ગુજરાત સફાઈ કામદાર વિકાસ નિગમ, ગાંધીનગર દ્વારા અનુક્રમે અપાયેલા રૂૂ.21000 તેમજ રૂૂ.11000નો ચેક તેમજ પ્રમાણપત્ર આપ્યાં હતાં.
