ધ્રાંગધ્રા GIDCમાં આવેલી CID ક્રાઈમની ટીમે હળવદ અને મોરબીમાં પણ કળા કરી?

કોયબા ગામે ધારાસભ્યના સગાના કારખાને દરોડો કર્યો, અને તોડ પણ?

ખાસ-ખબર ન્યૂઝ સુરેન્દ્રનગર, તા.16
સુરેન્દ્રનગર અને મોરબી જિલ્લામાં શનિવારે મોડી સાંજે સીઆઈડી ક્રાઈમની બે ટીમ દ્વારા જુદા જુદા ઉદ્યોગોમાં ચકાસણી હાથ ધરી હતી જેમાં મોરબીના સામખીયારી, હળવદના કોયબા અને ધ્રાંગધ્રા જીઆઇડીસી ખાતે ઉધોગોમાં ગાંધીનગરની બે ટીમ ત્રાટકી તપાસ શરૂ કરી હતી આ ટીમ દ્વારા ઉધોગોના સંચાલકો પાસેથી દસ્તાવેજી પુરાવા અને કારખાનામાં ઉત્પાદન અંગે તપાસ હાથ ધરી હતી કહેવાય છે કે ગાંધીનગરથી આવેલી ટીમનો મુખ્ય ટાર્ગેટ હળવદના કોયબા ગામે ખેતી લાયક જમીન પર ખડકાયેલા ધારાસભ્યના “મામા – માસીયા” ભાઈના કારખાનું હતી જેથી આ ઉધોગ પર દરોડો કરી તેની સાથે વિચારમાં રહેલા અન્ય નાના ઉધોગોને ટાર્ગેટ કરવા માટે ધ્રાંગધ્રા જીઆઇડીસી ખાતે એક ટીમ રવાના થઈ હતી.

ધ્રાંગધ્રા જીઆઇડીસી ખાતે શનિવારે મોડી સાંજે આવેલી ટીમ “ઙઘકઈંઈઊ” લખેલી બોલેરો કાર નંબર જીજે 18 જી બી 9683 અને અન્ય એક ખાનગી કારના કુલ ચાર કર્મચારીઓ હતા જેમાંથી એક કર્મચારી પોતે અધિકારી હોવાનો રોફ જમાવનાર પાસે રિવોલ્વર પણ હતી જેના નામનો ઉલ્લેખ “રાઠોડ સર” તરીકે એની કર્મચારીઓ કરતા હતા આ સાથે એની એક કર્મચારીનું નામ “રવિ” તરીકે સંબોધન કરતા હતા. ધ્રાંગધ્રા જીઆઈડીસીમાં આવેલા ઉધોગમાં કથિત દરોડા કર્યા બાદ એક ખાનગી કાર લઈને એક કર્મચારી નીકળી ગયા હતા અને સરકારી બોલેરો ઉધોગના ગેટ નજીક પાર્ક કરી જીઆઇડીસીના એની મજૂરોને ત્યાંથી હાંકી કાઢવામાં આવ્યા હતા. એટલે કે આવેલા કથિત સીઆઈડી ક્રાઇમના કર્મચારીઓ દ્વારા ઉધોગમાં દરોડો થતા માહોલ ઉભો કરાયો હતો જેમાં ધ્રાંગધ્રા જીઆઈડીસીમાં ઉધોગના સંચાલક પાસે પણ તમામ કાગળો અને ઉત્પાદન અંગે પુરાવા માંગી તપાસ કર્યા હતા અને ઉધોગમાં કોમ્પ્યુટરની પણ ચકાસણી હાથ ધરી હતી આ પ્રકારનું વાતાવરણ લગભગ ત્રણેક કલાક સુધી ચાલ્યા બાદ પણ દરોડો આવેલા કર્મચારીઓ દ્વારા નામ, હોદ્દો કે પોતાની ઓળખ સતત છુપાવી રાખી હતી. જ્યારે મોદી રાત્રે ધ્રાંગધ્રા જીઆઈડીસીમાંથી પોતાની સરકારી કાર લઈ નીકળી ગયા બાદ હળવદના કોયબા ખાતે આવેલા ધારાસભ્યના સગાના કારખાને મોટો તોડ કર્યો હોવાની ચર્ચાએ જોર પકડ્યું હતું. જોકે ઘટનાના 48 કલાક બાદ પણ હજુય આ ટીમ ક્યાંથી, કોણ અને અધિકારીઓ નામ? સહિતની વિગતો અકબંધ છે. પરંતુ આ તોડકાંડ અંગે ધારાસભ્યે રાજ્યના મુખ્ય મંત્રી અને ગૃહ મંત્રી સુધી આ અંગે ફરિયાદ કરી હોવાની વિગતો સામે આવે છે ત્યારે હવે આ ટીમના કર્મચારીઓ ખરેખર સરકારી અધિકારીઓ અને કર્મચારીની ટીમ હતી કે અન્ય કોઈ તે અંગે તપાસ બાદ જ ખુલાસો થાય તેમ છે.

કોયબા ગામે કારખાનામાં દરોડો કરતા ધારાસભ્યે ભલામણ કરી હતી?

ગાંધીનગરથી આવેલી કથિત સીઆઈડી ટીમ દ્વારા હળવદના કોયબા ગામે ખેતરમાં ચાલતા ઉધોગ પર દરોડો કર્યાની જાણ ઓઢિગ સંચાલકના સગા ધારાસભ્યને થતા તેઓ દ્વારા ભલામણ કરી હતી છતાં પણ ટીમ દ્વારા તોડ કરી ગયા હોવાની ચર્ચાને લીધે છેક મુખ્યમંત્રી અને ગૃહ મંત્રી સુધી ફરિયાદ કરતા હવે વધુ એક ટીમ સક્રિય થઈ છે અને આખાય ચર્ચાસ્પદ તોડકાંડમાં તપાસ કરવા રવાના થઈ હોવાની વિગત મળી રહી છે.

કથિત તોડકાંડ મામલે ધારાસભ્ય વરમોરાએ ફોન ઉપાડવાના બંધ કર્યા

ધ્રાંગધ્રા, હળવદ અને મોરબી ખાતે ઉધોગોમાં આવેલી ગાંધીનગરની ટીમે તોડ કર્યો હોવાના મામલે ધારાસભ્ય પ્રકાશભાઈ વરમોરાએ ઉચ્ચસ્તરે ફરિયાદ કરી હોવાનું જાણવા મળ્યું હતું જેને લઈ ધારાસભ્ય વરમોરા સાથે વારંવાર સંપર્ક કરવા છતાં ફોન ઉઠાવ્યો ન હતો.