ભારતે ચિંતા વ્યક્ત કરી છતાં શ્રીલંકાએ ચીનના યુધ્ધ જહાજને આવકાર્યું

મિત્રતાના દાવા કરી રહલું શ્રીલંકા ચીનને ખુશ રાખવા મથી રહ્યું છે

ખાસ-ખબર સંવાદદાતા
ચીનનુ એક યુધ્ધ જહાજ શુક્રવારે કોલંબો પહોંચ્યુ છે અને તેનુ શ્રીલંકા દ્વારા સ્વાગત પણ કરાયુ છે. ભારત પહેલા જ હિન્દ મહાસાગરમાં ચીનના જહાજોને શ્રીલંકાના બંદરો પર મળી રહેલી એન્ટ્રીને લઈને ચિંતા વ્યક્ત કરી ચુકયુ છે. મળતી જાણકારી પ્રમાણે ચીનની નૌસેનાના 129 મીટર લાંબા આ જહાજ પર 129 જવાનો સવાર છે. આજે તે કોલંબોથી રવાના થઈ જશે. જોકે ધ્યાન ખેંચનારી વાત એ છે કે, ભારતે શ્રીલંકા સમક્ષ ચીનની નૌસેનાની અવર જવર અંગે વ્યક્ત કરેલી ચિંતા બાદ પણ શ્રીલંકાએ આ યુધ્ધ જહાજને કોલંબો બંદર પર રોકાણ કરાવ માટે પરવાનગી આપી હતી.

ગત વર્ષે પણ ચીનનુ એક જાસૂસી જહાજ હંબનટોટા બંદર પર ભારતની જાસૂસી કરવાના ઈરાદે પહોંચ્યુ હતુ અને ભારતે શ્રીલંકાની સરકાર સમક્ષ આ બાબતે પોતાનો વિરોધ નોંધાવ્યો હતો. ભારતે કહ્યુ હતુ કે, અમારી જાસસી માટે જ ચીન આ જહાજ મોકલી રહ્યુ છે.