ભડિયાદ વિસ્તારમાં સફાઈ કામગીરીનું નાયબ કમિશનર દ્વારા ઓચિંતું નિરીક્ષણ

સો-ઓરડી અને શક્તિ સોસાયટી સહિતના વિસ્તારોની સાઈટ વિઝિટ: ડોર-ટુ-ડોર કલેક્શન નિયમિત કરવા આદેશ

ખાસ-ખબર ન્યૂઝ મોરબી, તા.11

મોરબી મહાનગરપાલિકાની સોલિડ વેસ્ટ મેનેજમેન્ટ શાખા દ્વારા શહેરના ક્લસ્ટર-4 હેઠળ આવતા ભડિયાદ વિસ્તારમાં સફાઈ ઝુંબેશનું નિરીક્ષણ કરવામાં આવ્યું હતું. નાયબ કમિશનર સંજયકુમાર સોનીએ સો-ઓરડી મેઈન રોડ, ચામુંડા નગર, ઉમિયા નગર અને માળીયા વનાડીયા સહિતના વિસ્તારોની રૂબરૂ મુલાકાત લીધી હતી. નિરીક્ષણ દરમિયાન તેમણે ડોર-ટુ-ડોર ગાર્બેજ કલેક્શનના પોઈન્ટ્સ પરથી કચરાનો નિયમિત નિકાલ કરવા અને જીવીપી (ૠટઙ) પોઈન્ટ્સ પર સફાઈ જાળવવા સફાઈ કામદારોને કડક સૂચના આપી હતી. શહેરના જાહેર માર્ગો અને રહેણાંક વિસ્તારોમાં સ્વચ્છતા જળવાઈ રહે તે માટે તેમણે ડોર-ટુ-ડોર સિસ્ટમને વધુ સુવ્યવસ્થિત કરવા પર ભાર મૂક્યો હતો.