દિલ્હીના સીએમ કેજરીવાલ આજે અમદાવાદમાં

કેજરીવાલ મહેસાણામાં ‘તિરંગા યાત્રા’માં જોડાશે

 12મી જૂનનો રાહુલ ગાંધીનો પ્રવાસ ઘોંચમાં પડ્યો

ખાસ-ખબર સંવાદદાતા
ગુજરાત વિધાનસભાની ચૂંટણી નજીક આવી રહી છે. ત્યારે રાજકીય પક્ષોના રાષ્ટ્રીય નેતાઓની ગુજરાત મુલાકાત પણ વધી રહી છે. વડાપ્રધાન મોદી અને અમિત શાહ સહિત દિલ્હીના મુખ્યમંત્રી કેજરીવાલ તથા રાહુલ ગાંધીની રેલીઓનું આયોજન થવા માંડ્યું છે. આમ આદમી પાર્ટી દ્વારા સમગ્ર ગુજરાતમાં 6 ઝોનમાં 15 મેથી પરિવર્તન યાત્રા શરૂ કરવામાં આવી છે. તેના સમાપન પ્રસંગે કેજરીવાલ આજે અમદાવાદ આવી રહ્યાં છે. જ્યારે 12મી જૂનએ આદીવાસી સત્યાગ્રહ યાત્રાના સમાપનમાં આવનારા રાહુલ ગાંધીનો ગુજરાત પ્રવાસ ઘોંચમાં પડ્યો છે. આમ આદમી પાર્ટી દ્વારા સમગ્ર ગુજરાતમાં 6 ઝોનમાં 15 મેથી પરિવર્તન યાત્રા શરૂ કરવામાં આવી છે. જેના પૂર્ણાહુતિ કાર્યક્રમમાં કેજરીવાલ આજે બપોરે ત્રણ વાગે અમદાવાદ એરપોર્ટ પર આવશે. જુના બસ સ્ટેન્ડ પાસે “તિરંગા યાત્રામાં જોડાશે.