દીપા કર્માકરે રચ્યો ઈતિહાસ, એશિયન ચેમ્પિયનશિપમાં ગોલ્ડ જીતનાર પ્રથમ ભારતીય જિમ્નાસ્ટ

ખાસ-ખબર ન્યૂઝ નવી દિલ્હી

30 વર્ષીય દીપા કર્માકરે સ્પર્ધાના છેલ્લા દિવસે વોલ્ટ ફાઇનલમાં 13.566નો સ્કોર કર્યો હતો. ઉત્તર કોરિયાની કિમ સોન હ્યાંગ 13.466 અને જો ક્યોંગ બ્યોલે 12.966 અનુક્રમે સિલ્વર અને બ્રોન્ઝ મેડલ જીત્યા હતા. ઓલિમ્પિયન ભારતીય જિમ્નાસ્ટ દીપા કર્માકરે રવિવારે પોતાના શાનદાર પ્રદર્શનથી ઈતિહાસ રચ્યો છે. રિયો ઓલિમ્પિક 2016માં ભાગ લઇ ચૂકેલી દીપાએ મહિલાઓની વોલ્ટ ઇવેન્ટમાં ગોલ્ડ મેડલ જીત્યો હતો. આ પ્રથમ વખત છે જ્યારે કોઈ ભારતીય જિમ્નાસ્ટે આ ચેમ્પિયનશિપમાં ગોલ્ડ મેડલ જીત્યો હોય. 30 વર્ષની દીપાએ સ્પર્ધાના છેલ્લા દિવસે વોલ્ટ ફાઇનલમાં સરેરાશ 13.566નો સ્કોર કર્યો હતો. રિયો ઓલિમ્પિક 2016માં વોલ્ટ ફાઇનલમાં ચોથા સ્થાને રહેલી દીપાએ 2015ની સિઝનમાં આ જ ઇવેન્ટમાં બ્રોન્ઝ મેડલ જીત્યો હતો. આશિષ કુમારે 2015 એશિયન ચેમ્પિયનશિપમાં વ્યક્તિગત ફ્લોર એક્સરસાઇઝમાં બ્રોન્ઝ મેડલ જીત્યો હતો. પ્રણતિ નાયકે 2019 અને 2022 એડિશનમાં વોલ્ટ ઈવેન્ટમાં બ્રોન્ઝ મેડલ પણ જીત્યા હતા. ડોપિંગના ઉલ્લંઘનને કારણે 21 મહિનાના સસ્પેન્શન બાદ ગયા વર્ષે વાપસી કરનાર દીપા આગામી પેરિસ ઓલિમ્પિક્સ માટે વિવાદથી દૂર છે.