મધ્ય પૂર્વમાં ચાલી રહેલી લડાઈ વચ્ચે શનિવારે ઈરાન પર મોટો સાઈબર હુમલો થયો. અહેવાલો અનુસાર, ઈરાનની સરકાર અને પરમાણુ સ્થળો પરના આ સાયબર હુમલામાં ઘણી મહત્વપૂર્ણ માહિતી ચોરાઈ છે.
મધ્ય પૂર્વમાં ચાલી રહેલી લડાઈ વચ્ચે શનિવારે ઈરાન પર મોટો સાઈબર હુમલો થયો. અહેવાલો અનુસાર, ઈરાનની સરકાર અને પરમાણુ સ્થળો પરના આ સાયબર હુમલામાં ઘણી મહત્વપૂર્ણ માહિતી ચોરાઈ છે. આ હુમલામાં સરકારની ત્રણેય શાખાઓને નિશાન બનાવવામાં આવી છે.
- Advertisement -
આ સાયબર હુમલો ક્યારે થયો અને કોણે કર્યો તે અંગે કોઈ માહિતી નથી. નોંધનીય છે કે 1 ઓક્ટોબરના રોજ ઈરાને ઈઝરાયેલ પર મિસાઈલોથી હુમલો કર્યો હતો. ત્યારથી ઇઝરાયલ ગુસ્સે છે અને તેણે બદલો લેવાની પ્રતિજ્ઞા લીધી છે. હાલમાં જ ઈઝરાયેલના વડાપ્રધાને પણ આ સંબંધમાં એક બેઠક યોજી હતી, જેમાં ઈરાનના પરમાણુ સ્થળોને નિશાન બનાવવાના મુદ્દા પર ચર્ચા થઈ હતી.
મહત્વનો ડેટા ચોરાયો
ઈરાન ઈન્ટરનેશનલે ઈરાનની સુપ્રીમ કાઉન્સિલ ઓફ સાયબર સિક્યુરિટીના ભૂતપૂર્વ સેક્રેટરી ફિરોઝાબાદીને ટાંકીને જણાવ્યું હતું કે ઈરાનની સરકારની ત્રણેય શાખાઓ – ન્યાયતંત્ર, ધારાસભા અને કારોબારી શાખા પર મોટો સાયબર હુમલો થયો છે. અહીંથી મોટા પાયે માહિતીની ચોરી થઈ છે. તેમણે કહ્યું કે આ હુમલામાં ન્યુક્લિયર બેઝની સાથે ઈંધણ વિતરણ, મ્યુનિસિપલ નેટવર્ક, ટ્રાન્સપોર્ટેશન નેટવર્ક, પોર્ટ અને અન્ય નેટવર્કને નિશાન બનાવવામાં આવ્યા છે. આ દેશભરના વિવિધ વિસ્તારોની લાંબી યાદીનો એક ભાગ છે કે જેના પર હુમલા થયા છે.
