સોશિયલ મીડિયા પર એક વિડીયો વાયરલ થઈ રહ્યો છે જેમાં અમદાવાદમાં એક સ્ટ્રીટ કાફેમાં એક રોબોટ લોકોને બરફના ગોળા પીરસી રહ્યો છે અને તે લોકો વચ્ચે ચર્ચાનો વિષય બન્યો છે.
આ દિવસોમાં AI અને રોબોટિક્સ પર ઘણી ચર્ચા થઈ રહી છે અને તેનો ટ્રેન્ડ ઝડપથી વધી રહ્યો છે, ખેતરોમાં કામ કરવાથી લઈને રેસ્ટોરન્ટમાં વેઇટર તરીકે રોબોટ્સનો ઉપયોગ થઈ રહ્યો છે. હવે જ્યારે ટેકનોલોજી અને ટ્રેન્ડની વાત આવે ત્યારે ગુજરાતના લોકો કેવી રીતે પાછળ રહી શકે.. બરાબર ને?
- Advertisement -
હાલ સોશિયલ મીડિયા પર એક વિડીયો વાયરલ થઈ રહ્યો છે જેમાં અમદાવાદમાં એક સ્ટ્રીટ કાફેમાં એક રોબોટ લોકોને બરફના ગોળા પીરસી રહ્યો છે અને તેને જોવા માટે ગ્રાહકોની ભીડ અહીં ઉમટી રહી છે. આ નવીન તકનીકે લોકોના મનમાં ઉત્સુકતા પેદા કરી છે અને તે સ્ટ્રીટ ફૂડના ભવિષ્યની ઝલક આપે છે.
View this post on Instagram- Advertisement -
વિડીયોમાં જોવા મળી રહ્યું છે કે એક રોબોટ છે જે લોકોને બરફના ગોળા સર્વ કરે છે. આ રોબોટિક સર્વરની રજૂઆતથી માત્ર ફૂડ શોખીનોની રુચિ જ વધી નથી પરંતુ સોશિયલ મીડિયા પર લોકોનું ધ્યાન પણ ખેંચ્યું છે. આ ગોલા સર્વ કરતાં રોબોટનો વિડીયો લોકો વચ્ચે ચર્ચાનો વિષય બન્યો છે.
બે વર્ષ પહેલા પણ આ જગ્યા લોકો વચ્ચે ચર્ચાનો વિષય બની હતી. એ સમયે અમદાવાદ ના વસ્ત્રાપુર લેક પાસે રોબોટ કેફેમાં ઓટોમેટિક ભેલ, પફ, સમોસાં, ચા કોફી અને પાણીપૂરીનું મશીન લગાવવામાં આવ્યું હતું. આ રોબોટિક કેફેમાં મોટા ભાગની વસ્તુઓ રોબોટ અથવા ઓટોમેટિક મશીનથી બનાવવામાં આવતી હતી અને એ બાદ રોબોટ એને સર્વ કરતાં હતા.
