આંતરરાષ્ટ્રીય બજારમાં 24 એપ્રિલથી બ્રેન્ટ ક્રૂડ ઓઈલ અને અમેરિકન ક્રૂડ ઓઈલ ઠઝઈંના ભાવમાં 9%નો ઘટાડો નોંધાયો છે: નિષ્ણાતોના મતે ઓઈલ કંપનીઓ પેટ્રોલ અને ડીઝલના ભાવમાં 5%નો ઘટાડો કરી શકે છે
ખાસ-ખબર સંવાદદાતા
આંતરરાષ્ટ્રીય બજારમાં ક્રૂડ ઓઈલના ભાવ તૂટયા છે. છેલ્લા 24 કલાકમાં કાચા તેલની કિંમતમાં 5 ટકાથી વધુનો ઘટાડો થયો છે. તે જ સમયે, 24 એપ્રિલથી કાચા તેલની કિંમતમાં 9 ટકાથી વધુનો ઘટાડો જોવા મળી રહ્યો છે. આવી સ્થિતિમાં ફરી આશા જાગી છે કે ભારતમાં પેટ્રોલ અને ડીઝલ સસ્તું થઈ શકે છે. નિષ્ણાતો એવું પણ માને છે કે આંતરરાષ્ટ્રીય બજારમાં ક્રૂડ ઓઈલ જે સ્તરે છે તેની સરખામણીએ સ્થાનિક સ્તરે ઈંધણની કિંમતમાં ઘટાડો થવો જોઈએ. ચાલો તમને એ પણ જણાવીએ કે આંતરરાષ્ટ્રીય બજારમાં પેટ્રોલ અને ડીઝલના ભાવ કેટલા નીચે આવ્યા છે અને ઈંધણ કેટલું સસ્તું થઈ શકે છે?
- Advertisement -
ગલ્ફ દેશોનું ક્રૂડ ઓઈલ ઘણું સસ્તું થઈ ગયું છે. ગલ્ફ દેશોમાંથી સપ્લાય થનારું બ્રેન્ટ ક્રૂડ 24 કલાકમાં 5 ટકાથી વધુ તૂટયું છે. 3 મેના રોજ બ્રેન ક્રૂડની કિંમત 75.31 ડોલર પ્રતિ બેરલ પર પહોંચી ગઈ છે. 2 મેના રોજ બ્રેન્ટ ક્રૂડ ઓઈલની કિંમત બેરલ દીઠ 80 હતી. છેલ્લા 6 ટ્રેડિંગ દિવસોમાં બ્રેન્ટ ક્રૂડ ઓઈલની કિંમતમાં 9 ટકાથી વધુનો ઘટાડો થયો છે. 24 એપ્રિલે બ્રેન્ટ ક્રૂડ ઓઈલની કિંમત 82.73 રૂપિયા પ્રતિ બેરલ પર બંધ થઈ હતી.
યુએસ ક્રૂડ ઓઈલના ભાવમાં ઘટાડો
અમેરિકન ક્રૂડ ઓઈલ ઠઝઈંની કિંમતમાં 24 કલાકમાં 5.15 ટકાનો ઘટાડો થયો છે. 3 મેના રોજ, ઠઝઈંની કિંમત પ્રતિ બેરલ 75.29 પર ટ્રેડ થઈ રહી છે. 2 મેના રોજ, ઠઝઈંની કિંમત પ્રતિ બેરલ 79.34 હતી. 6 ટ્રેડિંગ દિવસોમાં ઠઝઈંના ભાવમાં 9.11 ટકાનો ઘટાડો જોવા મળ્યો છે. 24 એપ્રિલે ઠઝઈંની કિંમત ઘટીને 78.76 પ્રતિ બેરલ થઈ હતી.
પેટ્રોલ અને ડીઝલ કેટલું સસ્તું થઈ શકે?
ઈંઈંઋકના વાઈસ પ્રેસિડેન્ટ અનુજ ગુપ્તાના જણાવ્યા અનુસાર મંદીના ડર અને ચીન તરફથી માંગ ઘટવાને કારણે ક્રૂડ ઓઈલની કિંમતમાં ઘટાડો જોવા મળ્યો છે. આવી સ્થિતિમાં ભારતમાં પેટ્રોલ અને ડીઝલની કિંમતમાં 5 રૂપિયા પ્રતિ લીટરનો ઘટાડો જોવા મળી શકે છે. તેમણે કહ્યું કે હાલમાં દેશની ઘખઈત નફામાં ચાલી રહી છે. આવી સ્થિતિમાં હવે કંપનીઓએ સામાન્ય લોકોને રાહત આપવાની જરૂર છે. તમને જણાવી દઈએ કે 22 મેથી દેશના ચારેય મહાનગરોમાં પેટ્રોલ અને ડીઝલના ભાવમાં કોઈ ફેરફાર થયો નથી.
