ત્રાજપરમાં યુવાનનો ગળેફાંસો, મકનસરમાં શ્રમિકનો આપઘાત અને ખેત તલાવડીમાં ડૂબી જવાથી સગીરનું મોત: પોલીસે તપાસ હાથ ધરી
ખાસ-ખબર ન્યૂઝ મોરબી, તા.8
મોરબી જિલ્લામાં છેલ્લા થોડા સમયમાં આપઘાત અને અપમૃત્યુના કુલ 10 કરુણ બનાવો નોંધાયા છે, જેમાં 7 આપઘાત, 1 ડૂબવા, 1 શોર્ટ લાગવા અને 2 અન્ય અકસ્માત/બીમારીના બનાવનો સમાવેશ થાય છે. આ તમામ બનાવોમાં 10 વ્યક્તિઓએ જીવ ગુમાવ્યા છે. મોરબી સિટી બી ડિવિઝન અને તાલુકા પોલીસ તેમજ વાંકાનેર તાલુકા પોલીસે આ અંગે નોંધ કરી વધુ તપાસ હાથ ધરી છે.
- Advertisement -
આપઘાતની ઘટનાઓ
સંદીપ પ્રવીણભાઈ સાવરીયા (ઉં.વ.28): ત્રાજપર, મયુર સોસાયટી ખાતે ગળેફાંસો ખાઈ લેતા મોત.
સુનીલભાઈ લાભુભાઈ નાયકા (ઉં.વ.18): મોરબી તાલુકાના ચકમપર (જી.) ગામે મોનોકોટો દવા પી લેતા સારવાર દરમિયાન મોત.
શીવાભાઈ અંબારામભાઈ ભીલ: મકનસર નજીક નેશનલ રિફેક્ટરી નળિયા કારખાનામાં ગળેફાંસો ખાઈ લેતા મોત.
સ્નેહાબેન શામજીભાઈ ચૌહાણ (ઉં.વ.17): પ્રેમજીનગર, મકનસર ગામે પોતાના ઘરે ગળેફાંસો ખાઈ લેતા મોત.
આદિત્યકુમાર નીતિનભાઈ શિરવી (ઉં.વ.21): પંચાસર રોડ, કામધેનું પાર્ક ઓમકાર પેલેસમાં ગળેફાંસો ખાઈ લેતા મોત.
અન્ય બે બનાવમાં પણ આપઘાતની નોંધણી થઇ હતી, જેની વિગત અહીં આપેલ નથી.
અપમૃત્યુના બનાવો
- Advertisement -
રાહુલ રવીન્દ્ર ભારતી (ઉં.વ.17): બેલા ગામની સીમમાં આવેલ ખેત તલાવડીના પાણીમાં ડૂબી જવાથી મોત.
ભુપેન્દ્ર રાહુલ પોલ (ઉં.વ.3): લખધીરપુર રોડ પર તુલશી મિનરલ્સમાં રમતા રમતા ઇલેક્ટ્રિક ટીસીને અડી જવાથી શોર્ટ લાગતા મોત.
મનસુખભાઈ બચુભાઈ સીતાપરા (ઉં.વ.41): જુના જાંબુડિયા નજીક ફેબુલા સિરામિકમાં માટીનો ટ્રક ખાલી કરતી વખતે માટીમાં દબાઈ જવાથી મોત.
અંબારામભાઈ મોહનભાઈ રંગપડીયા (ઉં.વ.72): લીલાપર કેનાલ રોડ પર ગજાનંદ પાર્કમાં છઠ્ઠા માળે કપડાં સૂકવતા દોરી બાંધતી વખતે બેલેન્સ ગુમાવતા નીચે પટકાતા ગંભીર ઇજાથી મોત.
સરોજબેન બાદરભાઈ સરાવાડિયા (ઉં.વ.17): વાંકાનેરના બોક્ળથંભા ગામે ઝાડા-ઉલટી થતા સારવાર માટે રાજકોટ ખસેડાતા તેમનું મોત થયું હતું.
પોલીસે આ તમામ 10 બનાવો અંગે કાયદેસરની કાર્યવાહી હાથ ધરી છે.
