સાત વિધાનસભા મત ક્ષેત્રનું સાત રૂ મમાં કાઉન્ટિંગ થશે
લોકસભા 136 રાઉન્ડમાં કૃષિ યુનિ.ખાતે મતગણતરી યોજાશે
- Advertisement -
ખાસ-ખબર ન્યૂઝ જૂનાગઢ, તા.3
જુનાગઢ 13 લોકસભા બેઠકની મત ગણતરીનું કાઉન્ટ ડાઉન શરૂ થઇ ગયું છે ત્યારે ચૂંટણી અધિકારી અને ચુસ્ત પોલીસ બંદોબસ્ત સાથે તંત્ર સજ્જ બન્યું છે ત્યારે જૂનાગઢ કૃષિ યુનિવર્સીટી ખાતે આવેલા ઇજનેરી અને ટેકનોલોજી કોલેજ ખાતેના મત ગણતરી કેન્દ્રમાં આવતીકાલે સવારથી મત ગણતરી યોજાશે. 13 જુનાગઢ લોકસભા બેઠક પરના મુખ્ય હરીફ પક્ષ ભાજપ કોંગ્રેસ દ્વારા જીતના દાવા સાથે મત ગણતરી યોજાશે જૂનાગઢ લોકસભા બેઠક પર કુલ 7 વિધાનસભા બેઠકો આવેલી છે જેમાં જૂનાગઢ જિલ્લાની ત્રણ અને ગીર સોમનાથ જિલ્લાની 4 બેઠકનો સમાવેશ થાય છે આ મત ગણતરી કેન્દ્રમાં કુલ 7 અલગ અલગ રૂમમાં મત ગણતરી કાઉન્ટીંગ સેન્ટરમાં યોજાશે જેમાં 128 કાઉન્ટીંગ ટેબલ ઇવીએમ અને પોસ્ટલ બેલેટની મત ગણતરી યોજાશે જૂનાગઢ લોકસભા બેઠકની કુલ 136 રાઉન્ડમાં મત ગણતરી યોજાશે
ત્યારે ચૂંટણી અધિકારી અનીલ કુમાર રાણાવસિયા અને એસપી હર્ષદ મહેતા સહીત પોલીસ જવાનોના ચુસ્ત બંદોબસ્ત સાથે મત ગણતરી કેન્દ્ર પર મત ગણતરી યોજાશે. જુનાગઢ જિલ્લાની લોકસભા ચૂંટણીની મતગણતરી આવતીકાલે જ્યારે કૃષિ યુનિવર્સિટી ની એન્જિનિયરિંગ કોલેજ ખાતે યોજાનાર છે ત્યારે મતગણતરીને લઈને ચૂંટણી વિભાગ દ્વારા તૈયારીઓ શરૂ કરી દેવામાં આવી છે જુનાગઢ લોકસભા બેઠકમાં કુલ સાત વિધાનસભા નો સમાવિષ્ટ થાય છે આ મતગણતરી યોજાનાર છે જેમાં દરેક વિધાનસભામાં 14 ટેબલ અને પોસ્ટલ માટે 30 ટેબલ મળી કુલ 128 ટેબલ ઉપર મતગણતરી હાથ ધરાશે મતગણતરીમાં સૌ પ્રથમ પોસ્ટલ બેલેટની મતગણતરી થશે જેમાં કાઉન્ટિંગ સુપરવાઇઝર મદદની માઇક્રો ઓબ્ઝર્વર અને એ.આર.ઓ સહિત સ્ટેન્ડ બાય રહેશે જૂનાગઢની સાત વિધાનસભા બેઠકોમાં 1847 ઇવીએમ માટે અલગ અલગ ગ્રાઉન્ડમાં મતગણતરી થશે જેમાં જુનાગઢ અને વિસાવદર બેઠક માટે 21, ઉના 20, સોમનાથ, તાલાલા અને કોડીનાર માટે 19 અને સૌથી ઓછા માંગરોળ બેઠક માટે 17 રાઉન્ડમાં મત ગણતરી યોજાશે.
