ભારતમાં કોરોનાના કેસ 5000 ને પાર, 24 કલાકમાં થયા 4 મૃત્યુ, જાણો દેશમાં કોરોનાની વર્તમાન સ્થિતિ

દેશમાં કોવિડ-19 ચેપના કેસ ફરી એકવાર વધી રહ્યા છે. શનિવાર સવાર સુધીના ડેટા અનુસાર ભારતમાં સક્રિય કેસની સંખ્યા 5755 પર પહોંચી ગઈ છે. છેલ્લા 24 કલાકમાં 391 નવા કેસ અને ચાર મૃત્યુ નોંધાયા છે – જેમાં મધ્યપ્રદેશ, મહારાષ્ટ્ર, કેરળ અને તમિલનાડુનો સમાવેશ થાય છે.

કેરળ સૌથી વધુ અસરગ્રસ્ત
કેરળ હજુ પણ સૌથી વધુ અસરગ્રસ્ત રાજ્ય છે, જ્યાં એક જ દિવસમાં 127  નવા કોવિડ-19 કેસ નોંધાયા છે, ત્યારબાદ ગુજરાત ૧૦૨, પશ્ચિમ બંગાળ 26  અને દિલ્હી 73 કેસ નોંધાયા છે. આ રાજ્યોમાં દેશભરમાં કુલ 391 નવા કેસ નોંધાયા છે. કેસોની વધતી સંખ્યાને ધ્યાનમાં રાખીને કેન્દ્ર સરકારે હોસ્પિટલોની તૈયારી ચકાસવા માટે મોક ડ્રીલ હાથ ધરી હતી.

ભારતમાં કોરોનાની વર્તમાન પરિસ્થિતિ
-મહારાષ્ટ્રમાં શનિવારે 29 નવા કેસ નોંધાયા, જેના કારણે રાજ્યમાં સક્રિય કેસની સંખ્યા 577 થઈ ગઈ. શનિવારે વધુ એક મૃત્યુ નોંધાયું, જેના કારણે કુલ મૃત્યુઆંક 18 થયો.
-પશ્ચિમ બંગાળમાં 24 કલાકમાં 26 નવા કેસ અને 88 સ્વસ્થ થયા. રાજ્યમાં સક્રિય કેસની સંખ્યા 622 છે અને મૃત્યુઆંક હજુ પણ 1 છે.
-દિલ્હીમાં શનિવારે 73 નવા કેસ નોંધાયા. સક્રિય કેસોની સંખ્યા 665 થઈ ગઈ છે. 1 જાન્યુઆરી, 2024 થી 7 મૃત્યુ નોંધાયા છે.
-છત્તીસગઢમાં શનિવારે 17 નવા કેસ નોંધાયા. રાજ્યમાં સક્રિય કેસોની સંખ્યા 41 થઈ ગઈ છે. હજુ સુધી કોઈ મૃત્યુ નોંધાયું નથી.
-હરિયાણામાં શનિવારે 9 નવા કેસ નોંધાયા. ગુરુગ્રામ અને ફરીદાબાદ સૌથી વધુ અસરગ્રસ્ત જિલ્લાઓ છે. રાજ્યમાં 87 સક્રિય કેસ છે અને ચેપગ્રસ્ત લોકોની કુલ સંખ્યા 151 થઈ ગઈ છે.
-અધિકારીઓના જણાવ્યા અનુસાર, મોટાભાગના કેસ હળવા છે અને તેમની ઘરે સારવાર કરવામાં આવી રહી છે. વૈજ્ઞાનિકોએ જણાવ્યું હતું કે COVID-19 હવે સ્થાનિક (કાયમી) બની ગયું છે અને તેના હળવા ચેપ સમયાંતરે આવતા રહેશે, પરંતુ ગભરાવાની જરૂર નથી.
-5 જૂનના રોજ, દેશભરની હોસ્પિટલોમાં ઓક્સિજન, વેન્ટિલેટર, આઇસોલેશન બેડ અને આવશ્યક દવાઓની ઉપલબ્ધતા સુનિશ્ચિત કરવા માટે મોક ડ્રીલ હાથ ધરવામાં આવી હતી.
– આરોગ્ય મહાનિર્દેશક ડૉ. સુનિતા શર્માની અધ્યક્ષતામાં 2 અને 3 જૂનના રોજ ટેકનિકલ સમીક્ષા બેઠકો યોજાઈ હતી, જેમાં રાજ્ય અને આપત્તિ વ્યવસ્થાપન એજન્સીઓ સાથે તૈયારીઓની સમીક્ષા કરવામાં આવી હતી.
-આરોગ્ય અધિકારીઓ ઈન્ફલ્યુએન્ઝા જેવા લક્ષણો (ILI) અને ગંભીર તીવ્ર શ્વસન ચેપ (SARI) પર નજર રાખી રહ્યા છે. બધા SARI કેસ અને 5% ILI કેસનું પરીક્ષણ કરવામાં આવી રહ્યું છે. જીનોમ સિક્વન્સિંગ માટે ICMR VRDL નેટવર્કને પોઝિટિવ SARI નમૂનાઓ મોકલવામાં આવી રહ્યા છે.
-વિશ્વ આરોગ્ય સંગઠન (WHO) એ મે 2023 માં ‘જાહેર