આંધ્રપ્રદેશના મુખ્યમંત્રી ચંદ્રબાબુ નાયડુએ કહ્યું તિરુપતિ મંદિરના પ્રસાદમાં પ્રાણીઓની ચરબીનો ઉપયોગ થતો હતો અને શરૂ થયો નવો વિવાદ, જાણો શું છે સમગ્ર મામલો ?
નાયડુએ હિંદુઓની આસ્થાને ઠેસ પહોંચાડી: YSRCP નેતા સુબ્બા રેડ્ડી
YSRCPના વરિષ્ઠ નેતા અને TTDના ભૂતપૂર્વ અધ્યક્ષ વાયવી સુબ્બા રેડ્ડીએ નાયડુના આરોપોને દુર્ભાવનાપૂર્ણ ગણાવ્યા છે. રેડ્ડીએ કહ્યું કે, ટીડીપી સુપ્રીમો રાજકીય લાભ માટે કોઈપણ હદ સુધી જઈ શકે છે. ચંદ્રબાબુ નાયડુએ દિવ્ય મંદિર તિરુમાલાની પવિત્રતા અને કરોડો હિન્દુઓની આસ્થાને નુકસાન પહોંચાડીને મોટું પાપ કર્યું છે. તેમણે કહ્યું કે, નાયડુએ તિરુપતિ મંદિરના પ્રસાદ પર ખૂબ જ ખરાબ ટિપ્પણી કરી છે. માનવ તરીકે જન્મેલ કોઈ પણ વ્યક્તિ આવી ટીપ્પણીઓ કે આક્ષેપો નહીં કરે. તેમના આરોપથી સાબિત થયું કે, ચંદ્રબાબુ રાજકીય લાભ માટે કંઈ પણ કરી શકે છે.
YSRCP ભક્તોની ભાવનાઓને માન આપી શક્યું નથી
- Advertisement -
આંધ્રપ્રદેશના આઈટી મંત્રી નારા લોકેશે આ મામલે જગન મોહન રેડ્ડી પ્રશાસન પર નિશાન સાધ્યું હતું. તેમણે ટ્વીટ કરીને કહ્યું કેમ તિરુમાલામાં ભગવાન વેંકટેશ્વર સ્વામી મંદિર આપણું સૌથી પવિત્ર મંદિર છે. મને એ જાણીને આઘાત લાગ્યો છે કે, વાયએસ જગન મોહન રેડ્ડી પ્રશાસને તિરુપતિ પ્રસાદમાં ઘીની જગ્યાએ પ્રાણીની ચરબીનો ઉપયોગ કર્યો હતો.
લોકેશે આરોપ લગાવ્યો કે, YSRCP કરોડો ભક્તોની ધાર્મિક ભાવનાઓનું સન્માન કરી શકી નથી. તિરુપતિના વેંકટેશ્વર મંદિરમાં તિરુપતિ લાડુ ચઢાવવામાં આવે છે. મંદિરનું સંચાલન તિરુમાલા તિરુપતિ દેવસ્થાનમ (TTD) દ્વારા કરવામાં આવે છે.
