ગોંડલમાં આપ નેતા પર હુમલો કરનાર પાંચ મહિલા સહિત નવ સામે ફરિયાદ

સરગમ સોસાયટીમાં પાણી-રસ્તા પ્રશ્ર્ને લોકોની વેદના સાંભળવા ગયા ત્યારે હુમલો

કારમાંથી નીચે ઉતરવા દબાણ કરી, પથ્થરમારો કરી કારના કાચ ફોડી નાખ્યા

ખાસ-ખબર ન્યૂઝ રાજકોટ

ગોંડલ શહેરની સરગમ સોસાયટીમાં લોકપ્રશ્નો સાંભળવા ગયેલા આમ આદમી પાર્ટી (અઅઙ) ના પ્રદેશ જોઈન્ટ સેક્રેટરી જીગીશા પટેલ પર પથ્થરમારો થયો હતો. આ હુમલામાં જીગીશા પટેલને ગંભીર ઈજાઓ પહોંચી છે. પોલીસે આ મામલે પાંચ મહિલા સહિત નવ વિરુદ્ધ ગુનો નોંધી તપાસ શરૂ કરી છે.
આમ આદમી પાર્ટીના જોઈન્ટ સેક્રેટરી અને વિપક્ષ તરીકે ગોંડલ ખાતે રહેતા જીગીશાબેન શામજીભાઈ પોકર પટેલ ઉ.વ.35 સરગમ સોસાયટીમા રોડ રસ્તા, પાણી તથા કચરાના પ્રશ્ન માટે ગયેલ હોય ત્યારે ક્રિષ્નાબેન રાવલ, દષ્ટીબેન રાઠોડ, મનીષા, એક અજાણી મહીલા, ફાતિમાબેન ચાણક્ય, મુન્નો અને સબીર (ફાતિમાબેનના પુત્રો), તેમજ લાલ ટોપી અને કેસરી ટી-શર્ટ પહેરેલા અજાણ્યા યુવકો સહિતનાઓએ એક સંપ કરી ક્રિષ્ના રાવલે પથ્થરનો ઘા મારી ગાડી નો ગાડીનો કાચ તોડી હુમલો કર્યો હતો તેમજ અન્ય આરોપીઓએ કાર ઉપર છુટા પથ્થર મારી, કારના કાચ તો ડી નાખી નુકશાન કરી ગુન્હામાં એકબીજાને મદદગારી કરી, અધિક જીલ્લા મેજી. રાજકોટના હથીયાર બંધીના જાહેરનામાનો ભંગ કરી ગુનો કરતાં ફરિયાદ નોંધાવવામાં આવી છે ફરિયાદમાં જણાવ્યું હતું કે 24 ફેબ્રુઆરી 2026 ના રોજ સવારે સરગમ સોસાયટીમાંથી રસ્તા, પાણી અને કચરાના પ્રશ્નો અંગે ફોન કરીને બોલાવવામાં આવ્યા હતા. તેઓ પોતાના સાથીદારો સાથે સ્વિફ્ટ કારમાં પહોંચ્યા હતા.ત્યાં હાજર મહિલાઓએ રજૂઆત કરી હતી કે છેલ્લા ત્રણ-ચાર વર્ષથી રોડ મંજૂર હોવા છતાં બન્યો નથી અને પીવાનું પાણી ગંદુ આવે છે. જીગીશા પટેલે આ બાબતે સ્થાનિક કોર્પોરેટરને ફોન કરી રજૂઆત કરતા મામલો ગરમાયો હતો.
બપોરે આશરે 12:20 વાગ્યાની આસપાસ જ્યારે જીગીશા પટેલ પોતાની કારમાં બેઠા હતા, ત્યારે કેટલાક શખ્સોએ તેમની કાર રોકી અને નીચે ઉતરવા દબાણ કર્યું. આરોપી ક્રિષ્નાબેન રાવલે પથ્થર વડે કારના ક્લીનર સાઈડનો કાચ તોડી નાખ્યો.કાચ અને પથ્થર વાગવાથી જીગીશા પટેલને માથામાં, ડાબી આંખ ઉપર અને ગાલ પર ગંભીર ઈજાઓ થઈ હતી. હુમલા દરમિયાન આરોપીઓએ કારના આગળના કાચને પણ નુકસાન પહોંચાડ્યું હતું આ બનાવ અંગે ગોંડલ સીટી પોલીસ સ્ટેશનમાં ભારતીય નાગરિક સુરક્ષા સંહિતા (ઇ.ગ.જ.જ) ની કલમ 173 હેઠળ ગુનો નોંધવામાં આવ્યો છે. આરોપીઓ વિરુદ્ધ ઇ.ગ.જ. એક્ટ 115(2), 324(2), 125, 54 અને ૠ.ઙ. એક્ટ કલમ 135 (હથિયાર બંધીના જાહેરનામાનો ભંગ) મુજબની કલમો હેઠળ કાર્યવાહી હાથ ધરવામાં આવી છે.