લગ્નના કાર્ડ પર છપાવ્યું CM યોગીનું પ્રખ્યાત સ્લોગન ‘બટોગે તો કટોગે’

ગુજરાતમાં લગ્નનું કાર્ડ બન્યું ચર્ચાનો વિષય

લગ્ન ગુજરાતના ભાવનગર જિલ્લાના મહુવા તાલુકાના વાંગર ગામમાં 23 નવેમ્બરના રોજ ભાજપના કાર્યકરના ઘરે થવાના છે : લગ્ન માટે તૈયાર કરાયેલા આમંત્રણ કાર્ડની રાજયભરમાં ચર્ચા થઈ રહી છે

ખાસ-ખબર ન્યૂઝ રાજકોટ

ઉત્તર પ્રદેશના મુખ્યપ્રધાન યોગી આદિત્યનાથનું સૂત્ર ‘બંટોગે તો કટોગે’ ચર્ચાનો વિષય બન્યો છે. ગુજરાતના ભાવનગરમાં એક વ્યક્તિએ પોતાના લગ્નના કાર્ડ પર વડાપ્રધાન મોદીની સાથે મુખ્યમંત્રી યોગી આદિત્યનાથની તસવીર સાથે આ સ્લોગન છાપ્યું છે. સમગ્ર મામલો ગુજરાતના ભાવનગર જિલ્લાના મહુવા તાલુકાના વાંગર ગામનો છે. જયાં 23મી નવેમ્બરે ભાજપના કાર્યકરના ઘરે લગ્ન થવાના છે. લગ્ન માટે તૈયાર કરવામાં આવેલા આમંત્રણ કાર્ડ પર સીએમ યોગીનું પ્રસિદ્ધ સૂત્ર ‘બાંટોગે તો કટોગે’ છપાયું છે, જેમાં હિન્દુ સમુદાયને એક કરવા માટે કહેવામાં આવ્યું છે. સમગ્ર રાજયમાં આ કાર્ડની ચર્ચા થઈ રહી છે. તમને જણાવી દઈએ કે તાજેતરમાં જ હરિયાણા વિધાનસભાની ચૂંટણીમાં ઉત્તર પ્રદેશના મુખ્યમંત્રી યોગી આદિત્યનાથે ‘બંટોગે તો કટોગે’ સૂત્ર આપ્યું હતું. ત્યારથી રાજકીય વર્તુળોમાં આ નારાની સતત ચર્ચા થઈ રહી છે. મહારાષ્ટ્ર અને ઝારખંડ જેવા ચૂંટણી રાજયોમાં પણ યોગીના આ નારા પર રાજકીય પક્ષો સામસામે છે.

આ નારાની અસર ઉત્તર પ્રદેશની નવ વિધાનસભા બેઠકો પર યોજાનારી પેટાચૂંટણીમાં પણ જોવા મળી શકે છે. બીજેપી કાર્યકર્તાએ જણાવ્યું કે લોકોને જાગૃત કરવા અને પીએમ મોદીનો સંદેશ ફેલાવવાના ઉદ્દેશ્યથી તેમણે આ સ્લોગન છાપ્યું છે.કાર્ડમાં પીએમ મોદી, સીએમ યોગી અને રામ મંદિરની ડિઝાઈન પણ બનાવવામાં આવી છે. આ ઉપરાંત સ્વચ્છતા અભિયાન અને કાર્ડમાં સ્વદેશી અપનાવવા પર પણ ભાર મૂકવામાં આવ્યો છે. નોંધનીય છે કે ઝારખંડમાં એક રેલીને સંબોધિત કરતી વખતે મુખ્યમંત્રી યોગીએ કહ્યું હતું કે, લોકોને તેમની તાકાતનો અહેસાસ કરાવો, જાતિઓમાં ભાગલા પાડવાની જરૂર નથી. કેટલાક લોકો તમને જાતિના નામે વિભાજિત કરશે, કોંગ્રેસ અને વિપક્ષ એક જ કામ કરે છે. આ લોકો બાંગ્લાદેશી ઘૂસણખોરોને રોહિંગ્યા કહી રહ્યા છે. એક દિવસ આ લોકો તમને તમારા ઘરની અંદર ઘંટ અને શંખ પણ વગાડવા નહીં દે. તેથી એકતા રહો અને ઉમદા રહો. હું કહું છું કે દેશનો ઈતિહાસ સાક્ષી છે કે જયારે પણ તેનું વિભાજન થયું છે ત્યારે ક્રૂરતાથી તેનું વિભાજન થયું છે.