વેરાવળ બંદરમાં સ્વચ્છતા પખવાડિયાની ઉજવણી

ખાસ-ખબર ન્યૂઝ જૂનાગઢ, તા.16
વેરાવળ બંદરમાં એમપેડા, નેટફિશ ગુજરાત દ્વારા વેરાવળ ફિશિંગ હાર્બર ખાતે મત્સ્યોદ્યોગ વિભાગ અને જુદા જુદા બોટ એસોસિએશનના સહયોગથી સ્વચ્છતા પખવાડિયા કાર્યક્રમનું આયોજન કરવામાં આવ્યું હતું,

આ કાર્યક્રમમાં એમપેડાના એડી.વાણીયા કિશોરકુમાર, ફિશરીજ વિભાગના સાયાની, નેટફીશના એસ.સી.ઓ.જીજ્ઞેશ ભાઈ વિસાવડિયા, સાગરપુત્ર ફાઉન્ડેશન બોટ એસોસિએશન તુલસીભાઈ ગોહેલ સહિતના મહાનુભાવોએ બંદરની સફાઈના મહત્વ વિશે માહિતી આપી હતી.

એમપેડાના કિશોરકુમાર વાણીયાએ જણાવ્યું હતું કે, જ્યાં સ્વચ્છતા ત્યાં પ્રભુતાને અનુસરતા તમામ હોદ્દેદારો હાર્બર અને તેની આસપાસની સ્વચ્છતા ધોરણો મુજબ જાળવે એ હિતાવહ છે. આ અભિયાનમાં સો થી વધુ લોકો સહભાગી થઇ બંદરની સાફસફાઈ કરી હતી.બોટ એસોસિએશનની સહભાગિતાથી આ અભિયાન એક અઠવાડિયા સુધી શરૂૂ રહેશે. સ્વચ્છતા પખવાડિયાની ઉજવણી નિમિત્તે એકઠા થયેલ કચરાનો વૈજ્ઞાનિક ઢબે સલામત રીતે નિકાલ કરવામાં આવ્યો હતો. આ અભિયાનને સફળતાપૂર્વક પાર પાડવા માટે એમપેડા અને નેટફીશ દ્વારા સૌ લોકોનો આભાર વ્યક્ત કરાયો હતો. કાર્યક્રમની આભારવિધિ મત્સ્યોદ્યોગ વિભાગના વિમલ પંડ્યાએ કરી હતી. આ તકે બોટ એસોસિએશનના ઉપપ્રમુખ પ્રવીણભાઈ સુયાણી, દિનેશભાઈ વધાવી, ભિડિયા ખારવા સમાજના આગેવાન પરેશભાઈ કોતિયા, ભીડીયા કોળી સમાજના આગેવાન ભરતભાઈ બામણીયા,વિજયભાઈ, હરેશભાઈ, રાજેશભાઈ સિકોતરિયા ઉપસ્થિત રહ્યા હતા.