સલાહકારમાં કહેવામાં આવ્યું છે કે કોઈપણ કટોકટીની સ્થિતિમાં, ભારતીય નાગરિકો કંબોડિયાના ફ્નોમ પેન્હમાં ભારતીય દૂતાવાસનો સંપર્ક કરી શકે છે.
થાઇલેન્ડ અને કંબોડિયા વચ્ચેની સરહદ પર ચાલી રહેલા તણાવને લઈને ભારતીય દૂતાવાસે તેના ભારતીય નાગરિકો માટે એક એડવાઈઝરી જારી કર્યો છે. જેમાં સરહદી વિસ્તારોમાં મુસાફરી કરવાનું ટાળવાની સલાહ આપવામાં આવી છે.
- Advertisement -
ભારતીયો માટે એડવાઈઝરી જારી
ભારતીય દૂતાવાસે એડવાઈઝરીમાં સલાહ આપી છે કે કોઈપણ કટોકટીની સ્થિતિમાં, ભારતીય નાગરિકો 855 92881676 દ્વારા ભારતીય દૂતાવાસ ફ્નોમ પેન્હનો સંપર્ક કરી શકે છે. આ ઉપરાંત, તમે cons.phnompenh@mea.gov.in પર ઇમેઇલ પણ મોકલી શકો છો.
મુસાફરી ટાળવાની સલાહ આપી
શુક્રવારે ભારતીય દૂતાવાસે તેના નાગરિકોને સતર્ક રહેવા અને થાઇલેન્ડના સાત પ્રાંતોમાં મુસાફરી કરવાનું ટાળવાની સલાહ આપી હતી. થાઇલેન્ડની મુસાફરી કરતા મુસાફરોને સલાહ આપવામાં આવી છે કે તેઓ TAT ન્યૂઝરૂમ જેવી થાઇલેન્ડની સત્તાવાર વેબસાઇટ્સ પરથી અપડેટ માહિતી મેળવતા રહે.
આજે યુદ્ધનો ત્રીજો દિવસ
આજે થાઈલેન્ડ અને કંબોડિયા વચ્ચેના યુદ્ધનો ત્રીજો દિવસ છે. બંને દેશો વચ્ચે તણાવ ઓછો થવાને બદલે વધી રહ્યો છે. આ દરમિયાન, થાઈલેન્ડ વધુ આક્રમક બનતું દેખાય છે. થાઈલેન્ડે કંબોડિયા સામે તેની તૈયારીઓ વધુ તીવ્ર બનાવી દીધી છે. થાઈલેન્ડમાં માર્શલ લો પણ લાગુ કરવામાં આવ્યો છે. બે દિવસમાં, લગભગ એક લાખ લોકોને તેમના ઘર છોડવાની ફરજ પડી હતી. શુક્રવારે, 15 સભ્યોની સંયુક્ત રાષ્ટ્ર સંસ્થાએ આ મુદ્દા પર ચર્ચા કરવા માટે એક કટોકટી બેઠક પણ યોજવાનું નક્કી કર્યું છે.
- Advertisement -
બન્ને વચ્ચેનો સંઘર્ષ કેટલો જૂનો છે?
થાઇલેન્ડના મતે, વિવાદ ત્યારે શરૂ થયો જ્યારે કંબોડિયાએ થાઇ સૈનિકો પર નજર રાખવા માટે ડ્રોન તૈનાત કરવાનું શરૂ કર્યું. થાઇલેન્ડ અને કંબોડિયા વચ્ચેનો સંઘર્ષ લગભગ એક સદી જૂનો છે. 1953 સુધી કંબોડિયા ફ્રેન્ચ કબજા હેઠળ હતું, જ્યારે ફ્રાન્સે પહેલી વાર જમીન સરહદનો નકશો બનાવ્યો હતો. કંબોડિયાએ તેના પ્રાદેશિક દાવાઓ માટે આ જ નકશાનો ઉલ્લેખ કર્યો હતો, પરંતુ થાઇલેન્ડે કંબોડિયાના દાવાઓને નકારી કાઢ્યા હતા.
