ઓસ્ટ્રેલિયાની સતત બીજી જીત: પાકિસ્તાન 305 રન પર ઓલઆઉટ

વર્લ્ડ કપ 2023 ની 18મી મેચમાં ઓસ્ટ્રેલિયાએ પાકિસ્તાનને 62 રને હરાવ્યું હતું. ઓસ્ટ્રેલિયાએ આ સાથે સતત બીજી જીત મેળવી હતી. જ્યારે પાકિસ્તાન માટે હવે થોડી મુશ્કેલી વધી ગઈ છે.

ઓસ્ટ્રેલિયાએ વર્લ્ડ કપમાં બીજી જીત હાંસલ કરી છે. ઑસ્ટ્રેલિયાએ બેંગલુરુના એમ. ચિન્નાસ્વામી સ્ટેડિયમમાં રમાયેલી મેચમાં પાકિસ્તાનને 62 રનથી હરાવ્યું. ઓસ્ટ્રેલિયન ટીમની જીતના હીરો ડેવિડ વોર્નર, મિશેલ માર્શ અને એડમ ઝમ્પા હતા. 368 રનના લક્ષ્યનો પીછો કરવા ઉતરેલી પાકિસ્તાની ટીમની શરૂઆત શાનદાર રહી હતી. અબ્દુલ્લા શફીક અને ઇમામ ઉલ હકે પ્રથમ વિકેટ માટે 134 રનની ભાગીદારી કરી હતી. આ ભાગીદારી તૂટતાની સાથે જ પાકિસ્તાની ઇનિંગ્સની ગતિ બગડી અને તેણે નિયમિત અંતરે વિકેટ ગુમાવી. પાકિસ્તાનની ટીમ 45.3 ઓવરમાં 305 રનમાં સમેટાઈ ગઈ હતી.

Australia overcome the Pakistan challenge in Bengaluru to make it two in two at #CWC23 👊#AUSvPAK 📝: https://t.co/TAoZkxKoHP pic.twitter.com/OdCVA0ldbl

— ICC (@ICC) October 20, 2023

ડેવિડ વોર્નર અને મિશેલ માર્શની શાનદાર બેટિંગ

ઓસ્ટ્રેલિયાએ શુક્રવારે અહીં ICC વર્લ્ડ કપની મેચમાં પાકિસ્તાન સામે પ્રથમ બેટિંગ કરતા ઓપનિંગ બેટ્સમેન ડેવિડ વોર્નર (163) અને મિશેલ માર્શ (121)ની સદી અને પ્રથમ વિકેટ માટે 203 બોલમાં 259 રનની ભાગીદારી નોંધાવી હતી. ઓસ્ટ્રેલિયાએ નવ વિકેટે 367 રનનો સ્કોર કર્યો હતો. વોર્નરે તેની 124 બોલની ઇનિંગમાં 14 ચોગ્ગા અને 9 છગ્ગા ફટકારીને પાકિસ્તાન સામે સતત ચોથી સદી ફટકારી હતી. માર્શે તેની બીજી સદી દરમિયાન 10 ચોગ્ગા અને 9 છગ્ગા ફટકાર્યા હતા. વર્લ્ડ કપના ઈતિહાસમાં આ ચોથી વખત બન્યું છે જ્યારે બંને ઓપનિંગ બેટ્સમેનોએ એક જ મેચમાં સદી ફટકારી હોય. વોર્નરની વનડે કારકિર્દીની આ 21મી સદી છે. એક સમયે ઓસ્ટ્રેલિયન ટીમ 400ના સ્કોર તરફ આગળ વધી રહી હતી પરંતુ શાહીન શાહ આફ્રિદી (10 ઓવરમાં 54 રનમાં પાંચ વિકેટ)ના નેતૃત્વમાં છેલ્લી 10 ઓવરમાં બોલરોના શાનદાર પ્રદર્શનને કારણે ઓસ્ટ્રેલિયાને 367 રન પર અટકાવી દીધું હતું. આ દરમિયાન વોર્નરે 10 અને 105 રન પર બે જીવનદાનનો ફાયદો ઉઠાવીને વર્લ્ડ કપનો પોતાનો બીજો સર્વોચ્ચ સ્કોર બનાવ્યો હતો.

💯 David Warner, 163
💯 Mitchell Marsh, 121
⭐ Shaheen Shah Afridi, 5/54

Pakistan are chasing a challenging target in Bengaluru 👇#AUSvPAK #CWC23https://t.co/bqb3L7DlEK

— ICC (@ICC) October 20, 2023

પાકિસ્તાને અત્યાર સુધી 4 મેચ રમી છે અને 2 મેચ જીતી છે. જ્યારે 2 મેચમાં હારનો સામનો કરવો પડ્યો હતો. જ્યારે ઓસ્ટ્રેલિયા 4 માંથી 2 મેચ જીત્યું છે. પાકિસ્તાન માટે પણ આ સફર સરળ નથી. જો આપણે વર્લ્ડ કપ 2023ના વર્તમાન પોઈન્ટ ટેબલની વાત કરીએ તો ન્યુઝીલેન્ડ 8 પોઈન્ટ સાથે ટોપ પર છે. ભારતીય ટીમના પણ 8 પોઈન્ટ છે. તે બીજા નંબર પર છે.