રાજકોટના વાજડીગઢના બે મકાનમાં ચોરીનો પ્રયાસ

કોઈ કિંમતી ચીજવસ્તુ ન મળતા વસ્તુઓ વેરવિખેર કરી: મજૂરોના ફોન ચોરીને નાસી ગયા

ખાસ-ખબર સંવાદદાતા
રાજકોટ તાલુકાના વાજડી ગઢ ગામે એક સાથે બે મકાનોને તસ્કરોએ નિશાન બનાવ્યા હતા. મકાન માલિકો રાજકોટમાં રહેતા હોય બંધ હોવાથી તસ્કરો અંદર ત્રાટક્યા હતા. પરંતુ કોઈ કિંમતી ચીજવસ્તુઓ કે રોકડ ન મળતા ફક્ત વેરવિખેર કર્યું હતું.

આ સિવાય બાજુના બે મકાનમાં લગાવેલા સીસીટીવી કેમેરાને તોડી નાખ્યા હતા. જ્યારે સામેના ખેતરમાં રહેતા બે મજૂરોના ફોન ચોરીને નાસી ગયા હતા.