પોરબંદરની સરકારી હૉસ્પિટલમાં મેડિકલ સ્ટાફ પર હુમલો, ચાર શખ્સો વિરુદ્ધ પોલીસ ફરિયાદ

ડૉક્ટર પર હુમલાના આરોપીઓ વિરુદ્ધ કડક કાર્યવાહી માટે માંગ

ખાસ-ખબર ન્યૂઝ પોરબંદર, તા.24

પોરબંદરની સરકારી હોસ્પિટલમાં ફરજ પર રહેલા મેડિકલ ઓફિસર અને સ્ટાફ પર હુમલાનો બનાવ સામે આવ્યો છે. ફરજમાં રૂકાવટ કરવા અને સરકારી મિલકતને નુકસાન પહોંચાડવા બદલ ચાર શખ્સો વિરુદ્ધ પોલીસ ફરિયાદ નોંધાઈ છે.ઘટનાની વિગત મુજબ, પોરબંદરની ધનલક્ષ્મી સોસાયટીમાં રહેતા અને સરકારી હોસ્પિટલમાં મેડિકલ ઓફિસર તરીકે ફરજ બજાવતા ડો. ભરત તાવરી (ઉ.વ. 43) એ પોલીસમાં ફરિયાદ નોંધાવી છે. તેમણે જણાવ્યું કે, ગત મોડી રાત્રે તેઓ નર્સિંગ સ્ટાફ રામદે મોઢવાડીયા, પટ્ટાવાળા વિનય વાળા, જિજ્ઞેષ વાઘેલા, અને કોમ્પ્યુટર ઓપરેટર ભરત ઓડેદરા સાથે ફરજ પર હાજર હતા.આ દરમિયાન, શરદ દિનેશ રાઠોડ, સાગર ઉર્ફે ચિરાગ રમેશ સાદિયા અને બે અજાણ્યા શખ્સો હોસ્પિટલના કેજ્યુલીટી વિભાગમાં આવ્યા અને ડો. તાવરી અને સ્ટાફ સાથે દુવ્ર્યવહાર કરવા લાગ્યા. ડો. તાવરીએ તેમના તકલીફ વિશે પૂછતાં, શખ્સોએ ઉશ્કેરાઇને ડો. તાવરીનો કાઠલો પકડીને તેમની શર્ટના બટન તોડી નાખ્યા અને ઢીક્કા પાટુનો માર માર્યો. સાગર અને અન્ય શખ્સોએ સ્ટાફને ઢીક્કા પાટુનો માર માર્યા અને દરવાજાના કાચને ફોડવા લાગ્યા. આ હુમલામાં શરદના હાથમાં કાચ લાગતા ઇજા પહોંચી હતી. ત્યારબાદ, શખ્સોએ ડો. તાવરીને ધમકી આપી કે જો તેઓ પોલીસ ફરિયાદ કરશે તો તેઓને જાનથી મારી નાખશે.

પોલીસને જાણ થતાં, પોલીસ અને હોસ્પિટલના સિક્યુરીટી સ્ટાફ તથા હોમગાર્ડ ઘટના સ્થળે પહોંચ્યા. આ ચારે શખ્સો વિરુદ્ધ ફરજમાં રૂકાવટ અને સરકારી મિલકતને નુકસાન પહોંચાડવા અંગે પોલીસ ફરિયાદ નોંધાવાઈ છે અને પોલીસે વધુ તપાસ હાથ ધરી છે.ઘટના સ્થળે પહોંચેલા પોલીસ અને સિક્યુરિટી સ્ટાફે વાતાવરણ પર કાબુ મેળવ્યો. આ કિસ્સાની ગંભીરતા વધારીને, ઉચ્ચ અધિકારીઓએ પણ ઘટનાની માહિતી મેળવી અને તપાસ માટે વિશેષ ટીમનું આયોજન કર્યું છે.મેડિકલ ઓફિસર ડો. તાવરી અને અન્ય સ્ટાફના સભ્યો પર થયેલા આ હુમલાએ હોસ્પિટલના સમગ્ર સ્ટાફમાં ભયનો માહોલ પેદા કર્યો છે. હોસ્પિટલના પ્રદર્શનમંડળે આ બનાવની નાંખણી કરતા, હોસ્પિટલમાં સિક્યુરિટીને વધુ મજબૂત બનાવવાની માંગ કરી છે. આ સાથે, મેડિકલ સ્ટાફના સુરક્ષા માટે તાત્કાલિક પગલાં ભરવાના સૂચનો પણ આપવામાં આવ્યા છે.આ ઘટનાને લીધે, હોસ્પિટલમાં આવતા દર્દીઓ અને તેમના પરિવારોમાં પણ અસંતોષ ફેલાયો છે. હોસ્પિટલના કેટલાક કર્મચારીઓએ હુમલાખોરોને કડક સજા મળવી જોઈએ એવી માંગ કરી છે.

આરોપીઓને છોડવામાં નહીં આવે, કડક કાર્યવાહી કરાશે : પોલીસ

પોરબંદરના કમલાબાગ પોલીસ સ્ટેશનના ઇન્સ્પેક્ટર કાનમિયાએ કહ્યું,”અમે આરોપીઓની શોધખોળ શરુ કરી છે અને 2 શખ્સોની હાલ અટકાયત કરવામાં આવી છે ટૂંક સમયમાં અન્ય સંડોવાયેલ શખ્સોની ધરપકડ કરવામાં આવશે. આ પ્રકારના કૃત્યોને સહન નહીં કરવામાં આવે અને મેડિકલ સ્ટાફની સુરક્ષા એ અમારી પ્રથમ પ્રાથમિકતા છે.” આ ઘટના પોરબંદરની સરકારી હોસ્પિટલના સ્ટાફને વધુ સુરક્ષા અને સન્માનના મુદ્દે વિચારવા માટે તાકીદ કરે છે. મેડિકલ સ્ટાફ પર હુમલાને લઈને ચિંતાઓ ઉઠી રહી છે અને આકરા પગલાં લેવાની માંગ વધી રહી છે.