રાજય સરકારના શિક્ષણ વિભાગ દ્વારા વિધા સહાયક ભરતી અંતર્ગત જૂનાગઢ જિલ્લામાં 45 વિધા સહાયકોને નવી નિમણૂકો વિતરણ કરવાનો કાર્યક્રમ કલેકટર કચેરી ખાતે જિલ્લા પંચાયત પ્રમુખ શાંતાબહેન ખટારિયાના અધ્યક્ષસ્થાને યોજાયો હતો. આ તકે જિલ્લા વિકાસ અધિકારી મીરાંત પરીખે કહ્યું હતું કે, ગુરૂ પૂર્ણિમાના પાવન દિવસે વિદ્યા સહાયકો નિમણુંક લઇ રહ્યા છો ત્યારે વિદ્યા સહાયકોએ પણ સતત શીખતાં રહેવું જોઈએ, જેથી ભાવિ પેઢીને ઉચ્ચ કેળવણી મળી શકે.
દેશની ભાવિ પેઢી એવા બાળકોનો શિક્ષણની સાથે સર્વાંગી વિકાસ ક્ષિક્ષકો દ્વારા થવો જોઈએ. આ કાર્યક્રમનું સંચાલન ભરતભાઈ મેસિયાએ કર્યું હતું. સ્વાગત પ્રવચન જિલ્લા પ્રાથમિક શિક્ષાણાધિકારી વિપુલ ધુંચલાએ કર્યું હતું.
