ખાસ-ખબર ન્યૂઝ જૂનાગઢ
કેન્દ્ર સરકારના માર્ગદર્શન અનુસાર યુવાનોને ટોચની કંપનીઓમાં કામ કરવાનો અનુભવ મળે તેવા ઉમદા હેતુથી પી.એમ.ઈન્ટર્નશીપ યોજનાનો શુભારંભ કરવામાં આવ્યો છે. આ કાર્યક્રમમાં જોડાયેલા ઉમેદવારોને 12 માસ માટે માસિક રૂ. 5000 જેટલું સ્ટાઇપેન્ડ મળવાપાત્ર બને છે.
જે અન્વયે 21 થી 24 વર્ષના વયજૂથમાં સમાવિષ્ટ ઈચ્છુક ઉમેદવારોની શૈક્ષણિક લાયકાત એસ.એસ.સી./ એચ.એચ.સી./ આઈ.ટી.આઈ./ ડિપ્લોમા/ ગ્રેજ્યુએટની ડિગ્રી પૂર્ણ કરેલી હોવી જોઈએ. તેઓ પાસે હાલમાં સંપૂર્ણ સમયની રોજગારી અથવા તો શિક્ષણ મેળવતા ના હોવા જોઈએ. તેમજ તેમના કુટુંબમાંથી કોઈ સરકારી નોકરીમાં જોડાયેલા ન હોવા જોઈએ અને કુટુંબમાં કોઈ સભ્યની નાણાંકીય વર્ષ 2023-24 ની વાર્ષિક આવક રૂ.8 લાખથી વધુ ના હોવી જોઈએ. આ ઉપરાંત ઉમેદવારો રાજ્ય સરકાર કે કેન્દ્ર સરકારની કોઈ સ્કીમમાં સ્કિલ કોર્ષ/ એપ્રેન્ટીશીપ / ઈન્ટર્નશીપ કરેલી ના હોવી જોઈએ. આ કાર્યક્રમમાં જોડાવા માટે ઈચ્છુક ઉમેદવારોએ આગામી તારીખ 12-03-2025 સુધીમાં ૂૂૂ.ાળશક્ષયિંક્ષિતવશા.ળભફ.લજ્ઞદ.શક્ષ આ વેબસાઈટ પર જઈને ઓનલાઈન અરજી કરવાની રહેશે. આ અંગે વધુ માહિતી મેળવવા માટે જિલ્લા રોજગાર વિનિમય કચેરી, બહુમાળી ભવન, જૂનાગઢના લેન્ડલાઈન નંબર 0285- 2620139 પર સંપર્ક સાધી શકાશે. તેમ જિલ્લા રોજગાર વિનિમય કચેરી, જૂનાગઢની યાદીમાં જણાવવામાં આવ્યું છે.
