વિસ્કોન્સિનની ખાનગી ક્રિશ્ર્ચિયન સ્કૂલમાં ફાયરિંગથી ત્રણ લોકોનાં મોત: અનેક ઘાયલ
ખાસ-ખબર ન્યૂઝ મેડિસન, તા.17
વિસ્કોન્સિનની એક ખાનગી ક્રિશ્ર્ચિયન સ્કૂલમાં સોમવારે ગોળીબાર બાદ હુમલો કરનાર એક કિશોર સહિત ત્રણ લોકોનાં મોત થયા છે અને 6થી વધુ લોકો ઘાયલ થયા છે, એમ અધિકારીઓએ જણાવ્યું હતું. હુમલો કરનાર કિશોર એબન્ડન્ટ લાઈફ ક્રિશ્ર્ચિયન સ્કૂલનો જ વિદ્યાર્થી હોવાનું પોલીસ અધિકારીઓએ જણાવ્યું હતું. જો કે, તેણે શા કારણથી ગોળીબાર કર્યો એ વિશે કોઈ જાણકારી હજુ સુધી પ્રાપ્ત થઈ નથી. આ ઘટનામાં હુમલો કરનાર વિદ્યાર્થી સહિત અન્ય એક વિદ્યાર્થી તેમજ એક શિક્ષકનું મોત થયું છે.
- Advertisement -
મેડિસન પોલીસ ચીફ શોન બાર્ન્સ પત્રકારો સાથે વાત કરી રહ્યા હતા. આ ઘટનામાં અગાઉ મૃત્યુઆંક પાંચ થયો હોવાનું જણાવાયું હતું. જો કે તેમણે પીડિતો વિશે કોઈ વિગતો આપી ન હતી પરંતુ જણાવ્યું હતું કે એબન્ડન્ટ લાઈફ ક્રિશ્ર્ચિયન સ્કૂલમાં ગોળીબારમાં અન્ય લોકો ઘાયલ થયા છે. પોલીસના ગોળીબારમાં હુમલો કરનાર કિશોરનું મોત થયું હતું.બાર્ન્સે કહ્યું હતું કે પોલીસે સોમવારે બપોરે શાળાની આસપાસના રસ્તાઓ બંધ કરી દીધા હતા. ફેડરલ બ્યુરો ઑફ આલ્કોહોલ, ટોબેકો, ફાયરઆર્મ્સ અને એક્સપ્લોઝિવ્સના એજન્ટોએ સ્થાનિક કાયદાના અમલીકરણ માટે ઘટનાસ્થળે પહોંચી કાર્યવાહી કરી હતી.
“અમે બાળકો, શિક્ષકો અને એબન્ડન્ટ લાઈફ ક્રિશ્ર્ચિયન સ્કૂલના લોકો માટે પ્રાર્થના કરીએ છીએ કારણ કે અમે વધુ માહિતીની રાહ જોઈ રહ્યા છીએ. પ્રથમ રિસ્પોન્ડર્સ માટે આભારી છીએ કે જેઓ પ્રતિસાદ આપવા માટે ઝડપથી કામ કરી રહ્યા છે,” વિસ્કોન્સિન ગવર્નરે જણાવ્યું હતું. એબન્ડન્ટ લાઇફ ક્રિશ્ર્ચિયન સ્કૂલ બિન-સાંપ્રદાયિક છે અને તેની વેબસાઇટ અનુસાર, ક્ધિડરગાર્ટનથી હાઇ સ્કૂલ સુધી લગભગ 390 વિદ્યાર્થીઓ છે.
યુ.એસ.માં બંદૂક નિયંત્રણ અને શાળા સલામતી મુખ્ય રાજકીય અને સામાજિક મુદ્દા બની ગયા છે જ્યાં તાજેતરના વર્ષોમાં શાળામાં ગોળીબારની સંખ્યામાં વધારો થયો છે. ઊં-12 સ્કૂલ શૂટિંગ ડેટાબેઝ વેબસાઈટ અનુસાર, યુ.એસ.માં આ વર્ષે 322 શાળાઓમાં ગોળીબારની ઘટના બની છે. તે ડેટાબેઝ મુજબ 1966 પછીના કોઈપણ વર્ષમાં આ બીજા ક્રમની સૌથી વધુ ટોટલ સંખ્યા છે – જયયષત ગયા વર્ષે કુલ 349 સ્કૂલોમાં આવા ગોળીબારની ઘટનાઓ બની હતી.
